مفيش أجمل من الحلال والستر.. ياسمين عز توجه رسالة لكريستيانو رونالدو وتدافع عن ميسي

وجهت الإعلامية ياسمين عز، نصيحة للاعب كرة القدم البرتغالي كريستيانو رونالدو، مؤكدة أن الزواج والستر أجمل شيء، إذ إن زواج اللاعب الارجنيتني ميسي هو سبب توفيقه في حياته العملية.

وقالت «ياسمين»، خلال برنامجها «كلام الناس» عبر قناة «أم بي سي مصر»: «أنا بدعو لستر البنت وبالجواز والدلع مش الطلاق، عايزني أقوله خليك ماشي معاها سداح مداح، بقول له مفيش أجمل من الحلال والستر، وربنا عمره ما هيكرمك من غير جواز، شوف ميسي لما أتجوز ربنا كرمه ووصل للنهائي، وربنا يهدي جورجينا أم العيال ويصلح الحال».

وأضافت «ياسمين»: «الناس بتقول رونالدو عنده 37 سنة وعجز وهيعتزل، عجز إيه اعقلوا الكلام، مفيش راجل بيعجز يا حبيبتي معروفة، وكل سن وله حلاوته والراجل تلاقيه 70 سنة ومش باين عليه هو ربنا خلقه كدا جيناته قوية».

وأختتمت«ياسمين»:«رونالدو مش عايز يتجوز جورجينا عشان متاخدش نص فلوسه لو اتطلقت وكمان أمه مش راضية، شوفوا رضا الأم دا أهم حاجة، وميقدرش يكسر كلام أمه ولا يقولها غصب عنك هتجوزها، وكلامي دعوة للستر ومش فاهمة الناس معترضين ليه على كلامي».

وكانت الإعلامية ياسمين عز، قالت إن ما يقال حول وقف برنامجها «كلام الناس» شائعات مدفوعة، مشيرة إلى أن نجاح حلقة كريستيانو رونالدو والمغرب«لم يتحملها أحبابنا»، بحسب وصفها.

وأضافت «ياسمين» عبر حسابها على «انستجرام»: «واضح أن نجاح حلقة كريستيانو والمغرب أحبابنا لم يتحمله البعض، فـ طلع إشاعة تافهة ومدفوعة الأجر لصفحات بير السلم ضد البرنامج، برنامجي الجميل موجود رغم أنف الحاقدين».

وتابعت ياسمين عز معلقة على شائعات وقف برنامجها «كلام الناس»: «نصيحة بدل ما تدفعوا الصحفات تقول إيقاف طلعوا الفلوس صدقة يمكن ربنا يتجاوز، الخميس موعدنا 6 مساء مباشر».