وهو على سريري.. زوجة لقاضي الأسرة: بشوف بعيني عمايله السودة وأسكت

"بسبب خيانته كنت بدور له علي عروسة بنفسي"  داخل محكمة الأسرة، سيده تتحدث عن زوجها الخائن.. المتعدد العلاقات مع النساء، تقول: ضحيت بمشاعري وسيطرت على غيرتي.. وكنت بدور له على زوجة أخري غيري، معتقدة بهذه الوسيلة أنه لن يستغني عنها..

عارفة أن علاقاته كثير

واصلت الزوجة حديثها: أنا متجوزة من 18 سنة، في البداية كنت عارفة أن علاقاته كثير لكن كان طول الوقت يقولي أنتي اللي يعيش معاكي ويتجوزك عمره ما يبص برة بالطريقة دي خلاني وافقت علي طول وتخيلت أنه طبع وهيتغير بعد الجواز، أول شهرين جواز هم اللي عشتهم في سعادة  لكن بعد كدة مشوفتش غير سواد.

تكمل الزوجة بحديث يملؤه خيبة الأمل، وتقول: في الشهور الاولي من الجواز حملت بعدها اتغير تماما ورجع لعمايله السودة تاني واكتر بقي يكلم ستات وهو علي سريري ويروح ليهم الشقق، كنت بشوف كل ده  وأسكت عشان بحبه، وكمان في طفل جي في الطريق، لحد ما جيت في مرة وبدأت أخاف أن خيانته ليا دي تتحول لجواز رسمي.

جبت له واحدة بدل ما بيخونني في الحرام

تتابع الزوجة حديثها، الغريب، جبت له  واحدة أعرفها بدل ما بيخونني في الحرام، فا قولتله قالي وقتها " أنتي كدة حببتيني فيكي أكتر بس نقيلي واحدة حلوة، اتجوزها وسافر معها شهر العسل وجابلها شقة بعدها بسنة شاف واحدة صاحبتي تانية وأرتبط بيها من ورايا وأتجوزها، وقتها مبقتش قادرة اكتم غيرتي أكتر من كدة لما حسيت أن كل الاهتمام رايح لضرايري.

واختتمت،حديثها، في الآخر بيقولي" لو مش عاجبك أطلقك، وبالفعل طلقني ومبقاش يصرف علي بنته ولا حتي بيشوفها بعد كل اللي أنا عملته عشانه لحد ما وصل بي الأمر أني جيت للمحكمة.