مش صاحبتي.. رهف الشامي تفجر مفاجأة بعد اتهامها بالخيانة | شاهد
حرصت البلوجر رهف الشامي على الرد على صديقتها سلمى وذلك بعدما اتهمتها بالخيانة وخطف زوجها، عقب إعلان رهف خطوبتها بطليق سلمى.
كتبت رهف الشامي عبر خاصية الأستوري على موقع التواصل الاجتماعي فيسبوك: "الحقيقة أن أنا وهو كنا قرينا فاتحتنا واتخطبنا من 10 سنين لما ابويا الله يرحمه كان عايش، شافني وحبني واتقدملي من 10 سنين بس الشيطان لما بيتجسد في صورة أنسانة وبيتفنن في التوقيع بين البشر عشان عينها منه وكانت جارته واخت صاحبه( مش صاحبتي أنا نهائي ) وكان نفسها يبصلها وفضلت ورانا بكل الطرق عشان توقع بينا واحنا كنا صغيرين ومش فاهمين حاجة انا كنت 18 سنة وفعلا حصل وسبنا بعض وبابا رجعله الشبكة كمان، وبعدها سبحان الله الاستاذة اتخطبتلوا."
وتابعت: "بعدت عنه نهائي لمدة سنة ونص أو سنتين، واتكلمنا أنا وهو لما اتعزمت على فرحه فقط، كان وقتها أول مره في حياتي أشوف الاستاذة وهي جريت عليا أنا بحبك أوي ومتابعاكي دايما وكل اصحابي وقرايبي وبيحبوكي.. أنا روحت الفرح عشان أكسر جوايا أي مشاعر ناحيته تماما والصورة اللي هيلاحظ هيلاقيني معيطه فيها..بحضر فرح حبيبي بكل قوة...وفعلا من يوم الفرح لمدة 5 سنين انا معرفش عنه حاجة، وكانت الاستاذة كل فترة كل سنة مثلا تكلمني مصحلة عشان أعملها إعلانات على صفحتي."
أكدت رهف الشامي:" عشت حياتي واتبطت وسافرت واتخطبت وسبت وكملت دنيتي عادي، لحد شهر 10 اللي فات هو كلمني ورجعنا لبعض بعد ما خلص موضوعه تماما وبفترة كمان ورسمي بورق وقانون...وبعد ما اتعتبنا على السنين اللي فاتت أكتشفنا أن هي اللي وقعت بينا وهي اللي بوظت خطوبتي."
