خرزانة الغنم أو سلك كهربا.. حكاية منشور مثير عن الأخت يلقي بصاحبه في السجن | شاهد

أثار منشور على “فيسبوك”، حالة من الجدل عبر مواقع التواصل الاجتماعي، بسبب نصيحة أحد الشباب بـ التعدي على الأخت في حال رغبتها في الذهاب إلى fun day، وهو ما تسبب في حالة من الجدل الواسع، انتهى بحبس الشاب.

اضرب اختك بسلك كهربا

انتشر منشور عبر موقع التواصل الاجتماعي “فيسبوك”، من حساب لشخص يدعى إسلام بن المنشاوي، ويبدو أنه من المتشددين، يوجه نصائح للشباب بالتعدي على شقيقاتهم، باستخدام خرزانة أو سلك كهربائي.

وكتب الشاب: "بص يا اخويا، لما أختك أو بنتك تقولك أنا طالعة fun day مع الدفعة، بالراحة كده وانصحها ووضح لها إن ده حرام وغلط؛ وبيحصل فيه كذا وكذا وخافي ربنا… إلخ، يعني تستخدم معاها كل وسائل النصح والخوف عليها، عشان تبقى عملت اللي قالك عليه الشرع".

وأضاف الشاب: "سمعت النصيحة وقالتلك جزاك الله خيرا كان بها، مسمعتش النصيحة وقالت لأ أنا هاطلع وإنت مالكش كلام عليا ومش من حقك تمنعني… إلخ، بالراحة كده وهتاخد تليفونها وهاتجيب خرزانة بتاعة الغنم أو سلك كهرباء يلسع بس ما يكسرش، وتضربها بس مش ضرب انتقام، ضرب تأديب.. يعني ضرب لا يؤذيها، ليه طيب؟".

جدل على مواقع التواصل الاجتماعي

فور نشر البوست الخاص بالشاب، تباينت ردود الأفعال من رواد “فيس بوك”، ما بين الاستياء بسبب التحريض الواضح على العنف ضد الشقيقات، أو السخرية من الشاب بسبب آرائه المتشددة.

وأوضح أحد أصدقاء الشاب، ويدعي حازم علي، أن إدارة الكلية أبلغت عن إسلام وتم حبسه، دون توضيح اسم الكلية أو مدة الحبس، وكتب حازم على فيسبوك: "إسلام أنا معاه في الكلية، وهو دلوقتي في السجن، ربنا يفك أسره، إسلام شخصية محترمة، بس يا خسارة عايز يخلي الناس كلها تعبد ربنا وتبقى زي الصحابة، وتسرعه ده هو اللي خلاه في السجن، وربنا يهدينا ويهديه ويطلع على خير".

إبراهيم يدعو إلى إيذاء الفتيات

دفع المنشور بعض رواد مواقع التواصل الاجتماعي، إلى تذكر قصة الشاب المدعو إبراهيم، الذي انتشر منذ فترة على “فيسبوك”، يدعو إلى إيذاء الفتيات نفسيا على الأقل بقص شعرهن.

إبراهيم معتذرا: تعليقاتي هلس 

على طريقة "لف وارجع تاني"، تراجع إبراهيم عن موقفه، مؤكدا أن منشوره كان “مجرد هزار”.

وكتب: "الابتلاء اللي أنا فيه علمني حاجة مهمة قوي، إن مش كل اللي حواليك يتمنوا لك الخير؛ وإن مش أي حاجة تهزر وتضحك فيها، بس أصحابي واللي عندي على الفيس عارفين كويس قوي إن بوستاتي وكومنتاتي كلها هزار وهلس في هلس، ولا عمري في حياتي والله تمنيت أذى لحد أو أضايق حد ولو بكلمة".

وأضاف: "أنا اتعلمت من اللي حصل ده إني أخلي بالي من أي كلمة أقولها أو أكتبها، لأن ممكن بسبب كلمة تقولها أو تكتبها بهزار مع واحد صاحبك في ساعة غفلة، تكون سبب في كربك وضيقتك، يا ريت اللي بيحبني بجد يدعيلي إن ربنا يفك كربي وييسر أمري، لأن والله ما حد هيحس باللي أنا حاسه إلا اللي عاش نفس تجربتي دي".