اتفضحت وخليكي مؤدبة.. تفاصيل مثيرة في خناقة سارة نخلة وهندية بسبب فيديو الكلب | شاهد
وقعت مشادة كلامية بين الفنانة سارة نخلة والفنانة هندية بعد تداول مقطع فيديو لها يكشف "ترك الأخيرة "كلبها" في الشارع مع "السايس"، بعد أن أصُيب في قدمه بكسر.
وأعربت الفنانة سارة نخلة عن غضبها الشديد لما قامت به هندية، وقالت في مداخلة هاتفية لبرنامج "قعدة ستات"،:"هي لو ماحدش كشفها، ومكنش حد صورها واتفضحت الفضيحة دي، مكنتش رجعت تدور على الكلب".
وأضافت:"هندية نزلت كلبها وسبته للكلاب اللي في الشارع، وقالت أنا طالعة أصلي، الكلب مش قادر يمشي، والكلاب هتنهشه".
وتابعت سارة نخلة،:"المفروض كانت سابت الكلب في العربية وطلعت صلت عادي، أنا مش مصدقاكي".
ومن جانبها ردت هندية على اتهام سارة نخلة،:"اتفضحت إيه لقوني بشم في حته، إيه الكلام دا، اتكلمي كويس، عيب، خليكي مؤدبة في ألفاظك".
وأضافت هندية:"أنا سبت الكلب مع سايس المنطقة، أنزلوا اسألو سايس المنطقة، السايس أخرس ومش بيتكلم، بس بيفهم بالإشارة".
وتابعت:"لو ماما بردو كنت هعمل كدا، واسبها وأطلع أصلي".
ووجهت هندية رسالة لسارة نخلة،:"متصدقيش أنتي حرة".
وكانت الفنانة هندية ردت على الهجوم التي تعرضت له، بعد تركها كلبها الخاص بأحد الشوارع.
وقالت هندية في مقطع فيديو لها عبر مواقع التواصل الاجتماعي،:" عاملين فيها إنكم رحماء، وعندكم رحمة، أنهي رحمة دي؟، أنا رميت الكلب في الشارع في حاجة؟ أنا حرة.. رميته في الشارع كنت جيباه من أكتوبر عشان أوديه لـ دكتور هنا، أنتم هتحاسبوني؟ أنا حرة.. انشروها في كل حتة ودوها الدول العربية والأوروبية أنا حرة".
ومن جانبها، كتبت سارة نخلة منشورًا، عبر حسابها الشخصي بموقع"فيسبوك:"،:"الراقصة دي اسمها هندية، يوم ما كلبها رجله اتكسرت، راحت رمته في الشارع، مش قادر يتحرك عديمة الضمير، حسبنا الله ونعم الوكيل فيكي يا شيخة أشوف فيكي يوم، وليها عين تشتم أي حد بيدخل يكلمها".
