اتفضحت أنا وبناتي.. تفاصيل مثيرة في ابتزاز سيدة لصديقتها المطلقة بصور فاضحة

أحال المحامي العام الأول لنيابات شمال الجيزة سيدة تبلغ من العمر 38 عاما ربة منزل إلى محكمة الجنايات لاتهامها بتهديد صديقتها بنشر صور فاضحة وخادشة للحياء لها على مواقع التواصل الإجتماعي واستمعت جهات التحقيق إلى أقوال المجني عليها.

نص أقوال المجني عليها:

/ ما تفصيلات شكواك؟

ج/ اللي حصل اني انا كنت متزوجة من شخص  واطلقت منه في آخر سنة ۲٠٢٠ ومعايا منه بنتين وولد وانفصلت عنه وفي شهر يونيو ۲۰۲۱ بدأت اتعرف على شخص آخر عن طريق جروب اسمه برجك اليوم على الفيس بوك وكان الجروب ده ناشر بوست بيقول:"كل واحد من المتابعين يكتب تاريخ ميلاده فأنا كتبت تاريخ ميلادي فلقيت شخص كاتب بوست وبيعلق لیا وبيقولي انا كمان نفس البرج بدأنا نتعرف على بعض ودخلنا نتكلم على تطبيق الماسنجر ولقيته إنسان محترم وبيتكلم بأسلوب رقيق فكل يوم كنا بنتكلم مع بعض علشان نتعرف على بعض أكثر وبدأنا بعد فترة من التعارف نتكلم اننا نتخطب لبعض وكان هو اللي بدأ معايا حوار الخطوبة وانا ساعتها قلت له أن فيه فرق سن ما بينا قالي ده مش مهم".

وأضافت،"أنا بعتله في بداية التعارف صورة ليا وهو طول المدة دي بيكلمني على أساس انه عايش في الكويت وبيشتغل في محل ملابس في مول أمريكانا بالكويت وكان بيبعت لي صور ملابس وبيقولي انا اشتريتها لك وبعد فترة بدأ يبعتلي فيديوهات مُخلة على الواتساب لأني بعد ما وثقت فيه لفترة اديته رقمي الخاص لكن فوجئت بيبعتلي الفيديوهات دي فأنا لما شوفت الفيديوهات السيئة دي قطعت التواصل معاه لمدة يومين فرجع بعدها يعتذر لي وقالي انتي أكيد فيكي حاجة غلط وانتي اكيد جوزك طلقك عشان انتي بارده لأني مكنتش بتجاوب معاه في أي رسايل تحمل عبارات خادشة للحياء".

وتابعت، بعد فترة رجع يكلمني باسلوب كويس وقالي الكويت بلد كويسة وانتي ممكن تيجي عندي تعملي أحلى فلوس واتفقت معاه أننا لما نتجوز نجيب بناتي الكبار يعيشوا معانا في الكويت وطلب مني ابعتله صور ليا أنا في وضع عاري وقالي أنا عايزك تبعتي صور بكل جسمك علشان انا لازم اشوفك قبل ما نتجوز علشان انا مش هنزل من الكويت وكل صاحبي اللي متجوزين هنا بيعملوا كده بيطلبوا من زوجاتهم يصورا نفسهم بأوضاع مخلة عارية فأنا رفضت طلبه وقلت له مينفعش، وميصحش تطلب مني كده انت لو عايز تتجوزني انزل قابل اهلي واخواتي فرفض وبعدها بدأ ينزل صور خاصة له مع بنات كحالات علي الواتساب عشان يستفزني بیها وكنت بدخل ارد عليه وهو يقولي شوفي أنا لو عايز بنات أنا عندي كل حاجة".

وأضافت،" في مرة بعتلي فيديو في منزل دعارة في الكويت وبعدها من شهر ديسمبر،۲۰۲۱ انقطعت العلاقة بيني وبينه وخفت على نفسي وسمعتي وبناتي وفي بداية شهر إبريل وتحديدا  رمضان سنة٢٠٢٢ لقيت اختي اتصلت بيا وبتصوت وبتقول صورك اتنشرت على الفيسبوك جروب المهندسين والدقي وجروب فيصل والهرم واللي عرفنا كده واحده كانت صديقتي جدا من زمان واتصلت بأختي وقالتها الحقي اختك صورها منشورة على الجروبات".

وتابعت، دخلت أنا شوفت الصور دي وكانت عبارة عن صور ليا أنا واولادي واخواتي البنات وقعدين في كافيه ومكتوب كلام وحش فوق الصور دعارة وشمال العيلة دي وبعدها لقيت البنت صاحبتي بتبعتلي على الفيس بوك وبتكلمني وبتقولي في ايه قولتها معرفش  في ايه قالتلها في حد بيكلمني وبيهددني بصور وطلبت منها المساعده  قالتلي لاء هاتي عشرة آلاف جنيه وانا اوديكي لوحده تعملك عمل توقف الصور دي ومتنزلش فأنا قلتها حرام عليكي احنا في رمضان ومفيش حاجات زي دي وبعد كده قطعت الاتصال معاها ودخلت في حوار مع الحساب علي الفيس بوك وهمي   اللي منزل صوري وقلتله انت مين وعايز اي قالي عايز ١٥٠ الف جنيه ورفضت وبعد ما اشتكيت عرفت أن صحبتي القديمة هي اللي ورا كل ده وأنها سرقت الصور من علي موبايلي بس معرفش وصلت ليها اذاي ده اللي قالتهولي المباحث.

جاء بأمر الإحالة أن المتهمة هددت المجني عليها  كتابة بإفشاء ونسبة أمور مخدشة بشرفها، وذلك بنشر صور شخصية للمجني عليها وهي في أوضاع مخلة بالحياء، وكان التهديد مصحوبًا بطلب وهو أن تدفع مبلغًا ماليًا نظير توقفها عن نشر تلك الصور.