شبه عارية على السرير.. اعترافات مثيرة لضحية مدير مطعم المأكولات الشهير
أحال المحامي العام الأول لنيابة جنـوب الجيـزة مدير وردية بأشهر مطعم مأكولات بالجيزة إلى الجنايات لاتهامه بتهديد فتاة بصور مخلة بالشرف للحصول على مبالغ مالية ونشرها على مواقع التواصل الإجتماعي واستمعت النيابة لأقوال الضحية والتى جاءت كالأتي:
س/ ماتفصيلات بلاغك؟
ج/ اللى حصل انى أنا أتعرفت علي المتهم هو صاحب أخويا الكبير وكان معاه في الدراسة واتخطبنا وكانت علاقتنا كويسة وكنا ساعات بنتخانق زي اي اثنين مخطوبين ولكن حدثت مشكلة كبيرة بيني وبيني عشان روحت زورت حد صاحبتي من غير ما اعرفه وسبنا بعض وساعتها شتم امي وأبوي بألفاظ بشعه ورمتله الدبله وكل حاجه انقطعت بينا وبعد فترة لقيته بيكلمني وبيقلي عايز 4 آلاف جنيه والا هفضحك وهشردك علي الفيس بوك قولتله انا مبتهددش لقيته باعتلي من حساب اسمه سهير المليجي صور خاصة ليه بقميص نوم وصور تانيه وانا قاعدة علي السرير بقميص النوم واتصدمت وعرفت بعد كدا أنه سرقها من موبايلي من غير ما اعرف ولما كلمته عشان يمسحها رفض وانا اصريت اني مدفعش ليه فلوس وبعدها نزل صور لي علي حساب سهير المليجي ساعتها قولت لأخوي وأبوي وقررنا نروح نعمل محضر ضده
جاء بأمر الإحالة أن المتهم هدد المجني عليهـا بإفشاء أمـور مخدشة بالشرف وهـي نشـر صـورها مـن جريمـة التعـدي على حرمة الحياة الخاصـة موضـوع الاتهام اللاحـق، وكـان تهديـده مصحوبًا بأمر حملها على تقديم مبالغ مالية له.
