بعد جدل لقب صوت مصر.. حقيقة نشوب خلاف بين شيرين عبدالوهاب وأنغام

كشف إيهاب صالح، مدير أعمال الفنانة شيرين عبدالوهاب، حقيقة خلافها مع المطربة أنغام، بعد تداول شائعات بأنها هي من قامت بتعطيل حساباتها عبر مواقع التواصل الاجتماعي. 

وكتب «صالح» في تغريدة على «تويتر»: «‏هام لكل جمهور ‎شيرين و‎أنغام، شايف بقالي كذا يوم كلام كتير رايح جاي في قصة الألقاب ومين صوت مصر ومعركة كلامية داخلة في منطقة مش لطيفة خالص».

وأضاف: «أنا الحمد لله على علاقة قوية بـ النجمتين بقالي آكتر من 15 سنة، وكل الوسط يعرف ده كويس جدًا، شيرين بتحب أنغام وبتحترمها من زمان وأنغام طبعا بتبادلها نفس الإحساس».

وتابع: «كل الكلام والاشاعات العجيبة إن أنغام ورا مشاكل حسابات شيرين على السوشيال ميديا ده كلام ملوش أي صحة من الأساس، وأنا في المطبخ وعارف كويس جدًا إيه سبب المشكلة، من حق جمهور كل نجمة يغير ويحب نجمته ويدافع عنها».

واختتم: «بس طبعا من غير غلط وتجريح عشان إحنا أرقى من كدة، خلاصة الكلام شيرين وأنغام دول ‎أصوات مصر وقيمة كبيرة عندنا وفي الوطن العربي، استهدوا بالله كدة».

ومؤخراَ، كشفت الفنانة شيرين عبدالوهاب رأيها في بعض الفنانات زميلاتها بالمهنة، مشيرةً أنها تحب الجميع، وتجمعها علاقات جيدة بهم، وتحرص دائمًا أن تتواصل معهم من وقت لآخر.

وقالت شيرين عبدالوهاب خلال حلقتها في برنامج «كايرو كي»، الذي يقدمه المذيع هشام الهويش عبر شاشة قناة أبوظبي، إنها تحب الفنانة إليسا ونوال الزغبي كثيرًا لأنهما فنانات متميزات.

وتابعت عن إليسا: «بحب إليسا لأنها فنانة واضحة جدًا ومش بتخبي حاجة، لكن مبحبش فيها نقطة أني بحسها بتغني وهي ماسكة على الناس شيكات».

وأضافت عن نوال الزغبي: «نوال الزغبي دي عنوان الشياكة والثقة في النفس والجمال، لكن مبحبش فيها إني كنت زمان بسمع إنها صعب أي حد يسلم عليها، بس أعتقد دلوقت مبقتش كدا».

وتابعت شيرين عبدالوهاب خلال استضافتها في برنامج «كاريوكي»، عبر قناة «دبي»: «دايما خناقاتي أنا وحسام بتحصل كل يوم شغلي، وحسام مسميني شوكليت».