استلمني طول الأسبوع ومكنتش بقدر.. تفاصيل مثيرة جديدة في فضيحة طبيب شبرا والممرضة
كشفت التحقيقات التي أجريت في القضية المتهم بها طبيب أمراض نساء وتوليد بمنطقة روض الفرج، بالاعتداء على المريضات مستغلا علاجهم لديه، وتصويرهم وإبتزازهم، مقابل إجراء عمليات الإجهاض لهم وعدم فضحهم، تصريح وشهادة ممرضته التي قالت "إنه يعاني مرضا جنسيا وحاول إثبات قدرته الجنسية لنفسه".
وجاء في أقوال ممرضته والتي كانت تعمل بالعيادة معه وأيضا من ضحاياه كالتالي:
بعد ما الدكتور عرف إني حامل من خطيبي خلاني مضيت علي وصل أمانة ليفضحني ويقول لأهلي إني حامل، بعدها قالي لو ممضتيش وقتها كنت كلمت جارتك تيجي وهحكي كل حاجة ليها وهي تقول لأهلك إنك حامل وهو في الوقت ده كان واخد تليفوني وأنا مكنتش بكلم خطيبي وبعد كدة لما قلت لخطيبي إن أنا حامل قالي أنا مش هسيبك وهتجوزك وكتبنا عند محامي وطول الأسبوع الدكتور كان بيمسكني من أماكن حساسة في جسمي وأنا مكنتش بقدر أتكلم وطلب مني علاقة كاملة وإلا هيقول لأهلي فأنا رفضت وبعد كدة قلت لجارتنا إنه بيتعرضلي جسديا فقالي إنتي كدة بتضطريني إن أنا أحكيلها وهحكي لأهلك.
حكي لأهلي بالفعل.. قالتله أنا مش هتحمل مسئولية حاجة زي كدة وقول لأهلها، وبعد كدة بيومين اتصل بمامتي وحكلها كل حاجة، وبعدها بيوم قابل بابا وحكالوا كل حاجة وبعد كدة فضل فترة بعيد وراح عمل محضر فيا إن هو بيخلي مسئوليته عني وعن الحمل اللي في بطني وحد من القسم جالنا البيت وجينا معاه وأخدنا تعهدات على بعض إن محدش يتعرض للتاني وقلت إن العلاقة اللي حصلت بيني وبين خطيبي كانت برضايا.
مشكلة في القسم..
بعدها بفترة بعتلنا مع جارتي إن هو ياخدني يعملي حساب خاص علشان الدواء اللي بيتبعتلي من برا يتبعت عليا على طول وميبقاش هو وسيط فيه وإني أرجع الشغل ولو مرجعتش هيكلم عمي وخوالي ويفضحني في وسط العيلة كلها وإنه معاه أرقامهم ويعرفهم كلهم بعد كدة يوم الخميس اللي جالنا أمين شرطة بيسأل على خالي وقاله إن بنت أختك معاها مشكلة في القسم مع دكتور أيمن عاوزينك علشان تحلها فخالي قاله أنا في الشغل دلوقتي ومش عارف أجيلك وقاله في مشكلة في القسم مع الدكتور قاله خلاص روح وأنا هبعت باباها ولما رحنا القسم أنا قلت لبابا موضوع التحرش اللي كان بيعملوا معايا الدكتور ولما رحت القسم حكيت على اللي حصلي ولما جيت أعمل محضر، اكتشفت إني معمولي محضر وصل أمانة ومعملتش محضر ومشيت وبعدها بيوم عملت المحضر وجيت النهاردة على التحقيق وده كل اللي حصل.
