قتلت صاحبتها وقطعت الجثة.. المتهمة تعترف: جيبت بنزين علشان أحرقها في طنطا

أدلت "آ.هـ" المتهمة بقتل صديقتها "فرح" داخل شقة في قرية سبرباي التابعة لمركز طنطا بمحافظة الغربية، باعترافات تفصيلية أمام جهات التحقيق.
كانت مديرية أمن الغربية تلقت إخطارًا بالعثور على جثة فتاة في العقد الثاني من عمرها وبها طعنة، ومقطوعة القدم، في مصرف سبرباي دائرة مركز طنطا، وجرى نقلها إلى مشرحة مستشفى المنشاوي العام.
وتبين من التحريات، أن الجثة لطالبة في الصف الثاني الثانوي تدعي فرح، 18 عامًا، توفيت إثر طعنة علي يد صديقتها وتدعي "آ.هـ"، داخل شقة المتهمة بعد شجار بينهما بسبب خلافات سابقة وتركتها لمدة 3 أيام، ثم قامت بقطع قدميها، وألقتها في المصرف.
وأكدت المتهمة خلال اعترافاتها أمام النيابة أن "فرح" صديقتها منذ حوالي 3 سنوات وكانت تعيش بمفردها داخل الشقة التي تمت فيها الجريمة، وأحيانا كانت تذهب للمبيت معها عدة أيام داخل الشقة.
تستكمل المتهمة أمام النيابة:"فوجئت منذ فترة بأن فرح تطلب مني بطاقتي علشان تمضي عقد إيجار شقة سكنية للسكن فيها، لأن والدتها مسجونة على ذمة قضية ووالدها هربان وهي عايشة لوحدها، وبعد فترة طلبت مني فلوس عشان تشتري موبايل وإديتها 3500 جنيه وبعدين طلبت فلوس تاني وإديتها ولما جيت أطالبها بالفلوس وعقد الإيجار اللي باسمي رفضت تديهم لي وقالت لي لما أمي تخرج من السجن".
واستكملت المتهمة: "في يوم وأنا في البيت لقيت عقد جواز عرفي ليها وهددتها بيها لو مدتنيش فلوسي هفضحها واتصلت عليا يوم الواقعة وقالت لي تعالي خدي حاجتك، ولما روحت حدثت مشاجرة بينا، ومسكت السكينة وحاولت تتعدي عليا وأنا بدافع عن نفسي ضربتها في جنبها ووقعت على الأرض بس كانت بتتنفس وبتضحك".
وتابعت: "أنا نزلت بعدها لصاحب البيت، ويعتبر صديقنا وقلتله اللي حصل وقال لي روحي هاتي بنزين وولعي في الملل في الأوضة اللي فيها فرح، وكدا محدش هيكتشف اللي حصل، وبالفعل روحت جبتها ورجعت بس لقيت فرح المره دي مش بتتنفس".