زوجته اتهمته بالاعتداء على ابنته.. مفاجأة في قضية صيدلي مدينة نصر المتحرش بالسيدات

فجرت طليقة صيدلي مدينة نصر مفاجأة في التحقيقات باتهامه بهتك عرض السيدات والصغار، داخل صيدليته الخاصة بمنطقة عزبة الهجانة بمدينة نصر، وكشفت عن قيام المتهم بهتك عرض ابنته البالغة من العمر 15 سنة، عندما كان عمرها 7 سنوات. 

تحقيقات صيدلي مدينة نصر

واستدعى رجال التحقيق زوجة صيدلي مدينة نصر، وجاءت أقوالها كالآتي:

اللي حصل إن أنا كنت متجوزة خالد.م، من سنة 2000، وعندنا أبناء، وأنا وهو خريج صيدلة، وبعد جوارنا بفترة فتحنا صيدليتين في عزبة الهجانة وكنت أنا وهو كل واحد فينا بيشتغل في صيدلية منهم، وكانت الحياة ما بينا طبيعية ومفيش أي خلافات كبيرة لحد من حوالي 5 سنين تقريبا فوجئت في مرة وأنا ف البيت ببنتي داخلة عليا ومنهارة من العياط وبتقولى أن باباها عمل معاها حاجة مش كويسة، ف أنا حاولت أهديها وبعد كده هي هديت وبدأت تحكيلي حاجات كثيرة كان باباها بيعملها فيها، وهي مكنتش فاهمة هو بيعمل إيه زي إن هو كان بيتحرش بيها وبيمسكها من أماكن حساسة في جسمها، وبيقلعها هدومها ولما واجهته بالموضوع ده ف الأول أنكر وبعد كده اعترف ليا إن هو كان بيعمل كده فعلا بس مكنش قصده حاجة، وإن دي بنته، ومن ساعتها وبنتي عندها مشاكل نفسية وفي مشاكل من ساعتها بيني وبين زوجي صيدلي مدينة نصر، وبس الحياة فضلت مستمرة ما بينا عشان ما آخربش البيت، وهو مبقاش يعمل حاجة تاني لبنتي ف أنا سكتت عشان أحافظ على البيت.
صيدلي مدينة نصر بالتحقيقات: تعديت على السيدات البالغات.. وبنتي جاية في صف أمها |خاص
تحقيقات صيدلي مدينة نصر: المتهم اعتدى على ضحايا داخل الصيدلية وزوجته كشفت الجريمة

وجاء في أمر إحالة صيدلي مدينة نصر للجنايات، أنه بعد الاطلاع على الأوراق وما تم فيها من تحقيقات، تتهم النيابة العامة خالد.م 48 عاما- صيدلي، محبوس بأنه في غضون عامي 2018- 2019، بدائرة قسم شرطة مدينة نصر ثالث بمحافظة القاهرة هتك عرض المجني عليهم- مجهولين الهوية- بأن استغل عمله كصيدلي وحاجة المجني عليهم في الكشف عن حالتهم الصحية فأوهمهم بقضاء حاجتهم حتى كشف عنهم عورتهم وتحسس مناطق العفة في أجسادهم قاصدا من ذلك هتك عرضهم حال كونه من له سلطة عليهم على النحو المبين بالتحقيقات.

وأضاف أمر إحالة صيدلي مدينة نصر أنه انتهك حرمة الحياة الخاصة بالمجني عليهم بأن التقط لهم في مكان خاص تسجيلا تصويريا- مقاطع فيديو بغير رضائهم حال ارتكابه الجريمة موضوع الاتهام الأول على النحو المبين بالتحقيقات.

وبناء عليه يكون المتهم قد ارتكب الجناية والجنحة المؤثمين بمواد قانون العقوبات.