شوفت روحه بتطلع.. شريف منير يكشف تفاصيل اللحظات الأخيرة في حياة طارق عبد العزيز | فيديو
كشف الفنان شريف منير، كواليس اللحظات الأخيرة للفنان الراحل طارق عبدالعزيز، أثناء مسلسل «وبقينا اتنين».
وأضاف شريف منير في مداخلة هاتفية مع برنامج «الحكاية» مع الإعلامي عمرو أديب: «كان عندنا تصوير في فيلا بأكتوبر الساعة 11 الصبح، وطارق كان بيلعب شخصية شريف، وكان موجود، وفي حالة تألق عالية جدًا، ونفسية جيدة ونشيط وبيضحك وبيهزر، وكل حاجة كانت ماشية بشكل طبيعي».
وأوضح: «في مشهد أنا بعمله هو وممثلة شابة عملنا بروفة وصورنا أول مرة الشوت، وكان واقف جنبي، فـ المخرج قال عاوزين نعمله مرة تانية».
وتابع: «المخرج بيقول أكشن جه طارق تجاهي وشوفت لونه بيروح وسند عليا وقعد على كرسي، وقال لي مش قادر أقف على رجلي وجسمه أصفر، وفجأة أبيض وجسمه سقع وحاولت أدلكله قلبه ولقيت عينه مرفوعة لفوق وفتحت له القميص، وجيت اسمع ضربات قلبه مسمعتش حاجة».
وأردف: «قمنا بنقله للمستشفى، ولما روحنا الدكاترة قالولنا إنه جه المستشفى متوفي، وأنا شفته وروحه بتطلع».
