اتحرش ببنتي وضربته بمولة السرير.. اعترافات مثيرة للمتهم بقتل ترزي شبرا

اعترف "محمود. ل" بتفاصيل اتهامه بقتل ترزي بطعنتين في الرقبة، بمنطقة شبرا بالقاهرة.

زعم القاتل أن المجني عليه تحرش بابنته بشبرا، قائلًا: "أنا ضربت المجني عليه علشان تحرش بابنتي، ولكن مكنتش عايزه يموت، ومكنتش قصدي أقتله، ولكن كنت عايز أخد موقف ضده علشان ميعملش كدا تانى".

وأضاف: "أنا حاولت أخلي الجيران تشهد على اللي حصل، ولكن الحل مكنش عجبني وقررت أنا وزوجتي ضربه حتى لا يتعدى عليها مرة أخرى".

وأكمل المتهم: "أنا فضلت مستني لحد لما يخلص القعدة مع الجيران، علشان كنت ناوي أضربه، ولما شوفته لقيته بيضرب مراتي بدون سبب وقتها جبت مولة السرير وضربته بيها وبعدها ضربته بسلاح أبيض في رقبته".

ووردت تحريات إدارة البحث لجهات التحقيق حول الواقعة، وتوصلت إلى وقوع مشادة كلامية بين المتهم والمجني عليه بسبب ادعائه بالتعدي على ابنته بمنطقة شبرا.

وتضمنت أن الواقعة بدأت بتعدي رجل وزوجته بالضرب على ترزي، بسبب ادعائهما بتعديه على ابنتهما، وخلالها ضرب أحد المتهمين بطعنتين في الرقبة أودت بحياته.

وأمرت النيابة المختصة بحبس المتهم 4 أيام على ذمة التحقيقات.