جبتله بلطجية.. ميدو يكشف تفاصيل أزمته الأخيرة مع مرتضى منصور
كشف أحمد حسام «ميدو»، نجم الزمالك السابق، تفاصيل أزمته الأخيرة مع المستشار مرتضى منصور، رئيس نادي الزمالك السابق.
وقال ميدو، في تصريحات تلفزيونية عبر فضائية «النهار»: «كانت هناك مشاكل بيني وبين مرتضى منصور في الفترة الماضية، وكان في بينا قواضي وبلطجية، كنا متخانقين خناقات غير عادية».
وأضاف: «اتصالحت بعدها مع مرتضى منصور، وشيكابالا كان السبب»، موضحًا: «اللي حصل إن شيكابالا كان عمل غلطة كبيرة جدًا وكانوا هيمشوه من الزمالك وكان وقتها مرتضى منصور، رئيس النادي، من غير ما أقول لحد روحت معدي على شيكابالا في البيت وخدته وروحت لمرتضى منصور المكتب ووقتها كان في بينا خناقات غير عادية».
وتابع: «أول ما دخلت المكتب، مرتضى منصور قالي (انت بتجبلي بلطجية؟)، قلتله (يعني هجبلك ملبس، ما أنت كمان بتجيب بلطجية، إحنا بنحمي بعض مفيش مشكلة)».
وأتم: «أنا مكنتش ناوي أصالح مرتضى منصور دلوقتي خالص لأنه قال عليا كلام وحش، وأنا خدت حقي، في الآخر هو راجل أكبر مني في السن ووالد أصحابي مش عيب إني أصالحه، وهذا لا يقلل مني».
