ماجد الكدواني: لو كريم عبدالعزيز في يوم اتنرفز وقلع الجزمة ضربني بيها هسامحه | فيديو

كشف الفنان ماجد الكدواني عن قوة علاقته بالفنان كريم عبدالعزيز وأنه أقرب صديق له.

وقال الكدواني، خلال لقائه في برنامج" big time podcast"، الذي يقدمه الإعلامي عمرو أديب والمطربة أصالة، على شاشة"mbc1"،:"كريم حبيبي وأنا ياما اتكلمت عليه كتير، احنا مشتركين في الأمانة والمصداقية".
وأضاف الكدواني: "كريم دائما يقول لي هي الناس مستغربة ليه حبنا لبعض لله في لله، هي الناس بقت كده ليه".

وتابع: "في مرات كتير بنتكلم في التليفون 8 ساعات، بنبقى جعانين، وعايزين نتكلم براحتنا، جعان وعطشان إني أخد راحتي في الكلام، لا أنا همسك عليك ولا أنت هتمسك عليا حاجة، ده سر علاقتي بكريم".

وأكمل: "احنا بنحب بعض بجد، بنغلط ونتعاتب ونشتكي لبعض، إحنا بره المهنة تماما، احنا بنتكلم في الحياة".

وأردف:ر"صداقتنا بقالنا 24 سنة، وربنا يديمها نعة، إنسان جميل وقلبه صافي".

وتابع: "مراتي دائما بتقولي ربنا يبعد عنكم العين، كريم عبد العزيز دا لو في يوم اتنرفز وقلع الجزمة ضربني بيها هسامحه، علشان مايبقاش حسد، يعلم ربنا إنه لو عمل فيا إيه هسامحه".

يذكر أن أخر أعمال ماجد الكدواني فيلم"أبو نسب"، بطولة محمد إمام، ياسمين صبري، وفاء عامر، هالة فاخر، صلاح عبدالله، تأليف أيمن وتار، إخراج رامي إمام.