انتقمت للنساء.. كيف استفزت شيماء سيف ياسمين عز بتصريحات عن الرجال؟ | شاهد

حلت الفنانة شيماء سيف، ضيفة برنامج «كلام الناس» تقديم ياسمين عز، متحدثة عن الرجال، وما يجذبها أوينفرها منهم.

تصريحات شيماء سيف عن الرجال

وعن أكتر سبب يجعلها منزعجة من الرجل قالت شيماء: «الراجل عمومًا وجوده في الحياة مضايقني، والراجل مدي لنفسه حجم أكبر من حجمه، وليه انا أبقى مركزة أوي وبعمل ألف حاجة وأقوله هات ده وانت جاي يقول لي لأ».

وأضافت «شيماء» في «تحدي مع ياسمين العز» المعروفة بتصريحاتها الداعمة للرجال دائمًا، قائلة: «سيبك إني ممثلة أنا جاية انهاردة اشوف آخرك ايه، الراجل شخصية محدودة، رحم الله امرأً عرف قدر نفسه، يبقى تعيش على هذا المبدأ وبما أني نحلة وشغالة طول اليوم عاوزاك تيجي اخر يوم تقولي كتر خيرك يا حبيبتي مش عايزة غيرها».

واستكملت: «من ضمن المشاكل عند الرجالة وانا باتناقش مع أصحابي وكلنا عندنا نفس المشكلة أن يبقى عندنا خناقة كبيرة وساعتها بابقى في قمة انفعالاتي ومشاعري وبعدها بالظبط بـ 3 ثواني يقولي ايه هناكل ايه؟ بنطلب من الرجالة يشتغلوا شوية على نفسهم معلش».

الرجالة أساس النكد

وبسؤالها من قبل ياسمين عز عن أكثر ما يعجبها في الرجل ردت «شيماء»: «نزوله الشغل».

واستكملت «شيماء»: «أنا باحب الراجل اللي مش نكدي، وهما أساس النكد في البيت، ودي إحصائية انا عملاها مع صحباتي، الرجالة نكدية وبقى بوزهم فقري وبقت حاجة لا تطاق، وشوفي أساس أي خناقة هتلاقي الراجل هو اللي بيحب جر الشكل».