بعد 8 أيام من اختفائها.. تفاصيل عودة جنة جمال طالبة دكرنس لأهلها

تمكنت الأجهزة الأمنية في الدقهلية، من إرجاع جنة جمال، ابنه مدينة دكرنس التابعة لمحافظة الدقهلية، إلى أسرتها، بعد تغيبها عن منزلها لمدة 7 أيام.

وحانت قد بدأت النيابة العامة بمركز دكرنس التابعة لمحافظة الدقهلية التحقيقات فى واقعة اختفاء طالبة فى الصف الثانى الثانوى الخاص منذ 8 أيام، حيث طلبت النيابة الاستعلام عن سجل مكالمات الطالبة يوم واقعة الاختفاء، وتفريغ كاميرات المراقبة بمحيط مدرستها التى اختفت منها عقب الخروج منها بعد انتهاء الامتحان الخاص بها.
«قلبى بيتقطع عليها وعينى مشفتش نوم من وقت اختفاء بنتى جنة».. بهذه الكلمات لخص جمال عبدالغفار مأساته بعد اختفاء ابنته «جنة» الطالبة فى الصف الثانى الثانوى الخاص بعد خروجها مباشرة من الامتحانات الخميس الماضى، ورصد الأب المكلوم مكافأة 100 ألف جنيه لمن يدلى بأى معلومات عن مكانها
وقال: «بنتى مدلعة وطلباتها مجابة وإحنا متعلقين بها وهى كمان ومفيش أى مشاكل لينا مع حد، وخرجت يوم الامتحان الصبح وهى كويسة وخلصت الامتحان الساعة 10.30 الصبح وخرجت من المدرسة لكنها لم تعد للمنزل وبعد تأخرها بدأنا رحلة البحث عنها».
وأضاف: «طلبناها فى التليفون كتير لقيناه مغلق وأنا جريت فى كل الشوارع أدور عليها زى المجنون وشفنا كل الكاميرات بمحيط المدرسة ووجدنا توك توك توقف لها على جانب الطريق وهى رفضت تركبه ومع تتبع الكاميرات لقينا نفس التوك توك يقف على بعد عدة شوارع وهى ركبت معاه».
وانهار قائلا: «حسيت إنها بتركب غصب عنها وكأنها تحت التهديد وشكلها كانت خائفة وبعد ذلك اختفى التوك توك وسألنا كل البلد محدش شافها ولا يعرف عنها حاجة علشان كده رصدت 100 ألف جنيه مكافأة لأى حد يقولى معلومة مفيدة توصلنى لمكان بنتى عشان قلبى يرتاح وقلب أمها اللى بتموت كل لحظة يرتاح هو كمان».
وانهار الأب متحدثا بلهجة حزينة: «من ساعة ما عملت المكافأة وأنا أتلقى تليفونات غريبة وناس عايزة تاخد الفلوس وخلاص وأغرب اتصال جالى واحد طلب منى أمشى فى الشارع عريان تمامًا وهو يدلنى على بنتى».
واستطرد قائلا: «والله أنا مستعد أعمل أى حاجة بس بنتى ترجع سالمة بس الناس بتتسلى بوجعنا».
وعن علاقته بابنته قال: «بنتى هى دلوعتى مافيش أى حاجة بتخبيها عليا بس أنا حاسس إنها واقعة فى مشكلة أو ابتزاز وتهديد وده السبب فى غيابها».
وأضاف: «ممكن حد سرق صورها من على الفيسبوك وعملها فوتوشوب وهددها مقابل دفع مبلغ مالى كبير أوهددها تروح فى حتة أنا عقلى هيطير منى ونفسى اطمن وأى حد عايز أى حاجة ويدلنى بجد على بنتى أنا مستعد أعمل أى حاجة وأدفع أى حاجة».
وأشار إلى أنه قام بتحرير محضر شرطة باختفاء ابنته فى مركز شرطة دكرنس، مشيرا أن هناك جهودا كبيرة تقوم بها المباحث لمعرفة مكان ابنته، والقيام بفحص سجل اتصالاتها خلال الفترة السابقة لاختفائها وبعد ذلك.