هتكلم على أي حد.. رد ناري من إبراهيم سعيد بشأن تدخل الخطيب لعمله في قناة النهار
أكد إبراهيم سعيد، نجم الأهلي السابق، أن محمود الخطيب، رئيس النادي الأهلي، ليس له علاقة بعمله في قناة النهار.
وقال إبراهيم سعيد، في تصريحات تلفزيونية عبر فضائية «النهار»؛ «في كلام بيتقال عن محمود الخطيب، إن أنا شغال في قناة النهار عن طريقه، أنا موجود في قناة النهار عن طريق إدارة محترمة ومسؤولين محترمين بيتعاملوا بشكل مميز».
وأضاف: «بعد تحسن علاقتي مع النادي الأهلي لم أتقابل مع محمود الخطيب، سوى مرة واحدة وكانت في عزاء شقيقته هذه هي المرة الوحيدة اللي أنا قابلته فيها».
وتابع: «أنا موجود في قناة النهار مش قناة النادي الأهلي، بيتقال إن محمود الخطيب وجمال جبر، مدير المركز الإعلامي بالنادي الأهلي، مشغالين إبراهيم سعيد، والله العظيم الناس دي مالهاش علاقة بتواجدي في قناة النهار».
وتابع: «النادي الأهلي مش محتاج إبراهيم سعيد، خالص فهو عنده قاعدة إعلامية وقاعدة جماهيرية كبيرة جدا يقدروا يتكلموا على السوشيال ميديا أو من خلال الموقع الرسمي».
وواصل: «أنا عمري ما حد يقولي تطلع تتكلم في إيه ولا تقول إيه أنا مسؤول عن كل حاجة بتكلم فيها أنا دايمًا بتكلم من وجهة نظري، أنا لا أشكك في ذمم حد ولا بغلط في حد، مهما كان اسم أي حد في المجال الرياضي هتكلم عليه دي وجهة نظري الشخصية».
