ولع فيها.. زوج ينهي حياة زوجته بالشرقية بطريقة صادمة

أنهى زوج حياة زوجته فى محافظة الشرقية، بأن سكب عليها "بنزين" في أول أيام عيد الأضحى المبارك، وذلك نتيجة خلافات شخصية بينهما.

روت شقيقة المجني عليها تفاصيل الواقعة قائلة: "جاتلي مكالمة هاتفية من واحدة جارة أختي، قالت لي فيها أن فيه حريق داخل شقة أختك وهى اتصابت ونقلت إلى المستشفى.. عرفت بعد كدة إن جوزها سكب عليها البنزين وأشعل النار في جسمها".

تابعت: "وصلت المستشفى لقيت أختى فى حالة حرجة جدًا جسمها محروق بنسبة 100%".. كانت واحدة تانية غير اللي أعرفها.. جسمها متبهدل من الحروق، ولما سألتها إيه اللي عمل فيكي كده قالتلي إن جوزها دلق عليا بنزين وأنا نايمة وولع فيا.. بعد يومين قعدتهم أختى فى العناية المركزة ماتت".

وعن أسباب الواقعة قالت شقيقة الزوجة: "جوز أختى كان على طول الوقت بيتخانق معاها وبيضربها وهي كانت مستحمله علشان خاطر العيال".

كان اللواء محمد صلاح مدير أمن الشرقية، تلقى إخطارًا بالواقعة، وتبين إصابة هانم نعيم، 34 سنة، ربة منزل، مقيمة بمدينة العاشر من رمضان، بحروق متفرقة في أنحاء الجسد أدت لوفاتها، إثر خلافات بينها وبين زوجها، وعلى أثرها أشعل الزوج النيران فيها.

وانتقلت قوات الأمن إلى موقع الحادث، وحررت المحضر اللازم، وأخطرت النيابة العامة لمباشرة التحقيق