خليك في موضوعك.. خناقة على الهواء بين محامي أحمد رفعت ونادر شوقي | فيديو

دخل محمد رشوان، محامي الراحل أحمد رفعت، جناح الفريق الأول لكرة القدم بنادي مودرن سبورت، في مشادة مع نادر شوقي، وكيل أعمال اللاعب.
وأجرى نادر شوقي، مداخلة هاتفية في برنامج «بلس90»، المذاع عبر فضائية «النهار»، للرد على تصريحات محمد رشوان.
وقال نادر شوقي: «أنا مش كل شوية هعمل مداخلات، بس في حد عندك في البرنامج اسمه محمد رشوان، قال حاجة أنا مش فاهمها أنا محتاج اسمعها تاني».
ووجه نادر شوقي، رسالة إلى محمد رشوان، قائلًا: «حضرتك كنت عارف إن النهاردة عزاء أحمد رفعت؟ كنت عارف يافندم.. حضرتك شرفتنا النهاردة؟ ليرد رشوان، منفعلًا (لم أحضر لأن نادي مودرن سبورت، أعلن أن العزاء سيكون مقتصر في المنزل، بسبب القلق اللي اتعمل في السوشيال ميديا منك ومن ناس تانية، وده ردي، لأن انتوا حاولتوا الموضوع لحرب)».
وأضاف رشوان: «انت بتوجه الرأي العام لفين؟ خليك في موضوعك وخليك في السؤال، سيادتك كنت مع اللاعب في الإمارات وهو بيتعاقب؟»
وتابع: «أنا مش ضدك. ما تعملش نفسك ضدي، إنت مسمعتش تصريحي، مقدم البرنامج بيسألك عن تصريح فداخل تقولي حضرت العزاء! إنت بتوجه الحوار لفين؟»
ورد نادر شوقي، قائلًا: «هو إنت ليه صوتك عالي، ثانيًا أنا مسمعتش السؤال عشان أجواب عليه، ثالثًا صفة حضرتك إيه عشان أفهم أنا بتحاور مع مين»
ورد رشوان: «حضرتك متعرفش إن أنا محامي أحمد رفعت، في القضية رقم 1465 عسكرية؟ إنت كنت كل يوم بتكلمني تقولي أحمد، عمل إيه».
ورد نادر شوقي: «إنت ليه منفعل، إنت حضرتك بتمثل أحمد رفعت، وبتكلمني أنا كده! أنا مش قاعد على قهوة ولا ماشي في الشارع».
ورفض نادر شوقي، استكمال المكالمة مع محامي أحمد رفعت، بسبب أسلوبه في الحوار