آسف لنفسي.. مسلم يعلن فسخ خطوبته من يارا تامر للمرة الثانية
أعلن مطرب المهرجانات الشعبية مسلم عن فسخ خطوبته للمرة الثانية من يارا تامر وذلك بعد عودتهما خلال الشهور الماضية.
ونشر «مسلم» ستوري عبر «انستجرام»، وكتب: «محتاج أقول حاجة يمكن مش هتكون مهمة أوي للناس، دلوقتي لأن حاسس أن الناس زهقت من الموضوع ده بس حبيت أوضح عشان ضميري قدام ربنا.. تم فسخ خطوبتي من يارا تامر».
وأضاف، قائلا: «أتمنى لي حياة جميلة ونجاحا واستمرارا، لأن حاولنا كثير وأنا خسرت كتير أوي من حياتي ووقتي قصاد التجربة دي وفشلت، والحمد لله بحمد ربنا إنه بين لي كل حاجة تخليني أبقى في حالي، وأبعد وآسف لنفسي مرة ثانية، والمرة دي بجد تعلمت الدرس، شكرًا المرادي اتقفل الموضوع نهائي».
مطرب المهرجانات مسلم: رجعت أنا وخطيبتي
كشف مطرب المهرجانات مسلم، ابريل الماضي، عن تفاصيل عودته لخطيبته السابقة يارا، والتي انفصل عنها بعد أيام قليلة من إعلان الخطوبة.
وأعلن مسلم حصريا لبرنامج «أسرار»، الذي تقدمه الإعلامية أميرة بدر على شاشة «النهار»، أنه عاد مرة أخرى لخطيبته السابقة والتي وقفت بجانبه كثيرا.
وأضاف مسلم: «خطبت بعد طلاقي بـ 7 شهور، لأني حبيت من قلبي مش بعقلي واختيار قلبي، والمرة اللي فاتت كانت اختيار الناس وأني اقعد في البيت واتجوز وممشيش غلط، وكلنا بنغلط وكلنا خطائين، واللي خطبتها من برة المجال ومحترمة من عيلة، واتظلمت معايا، وكانت بتستحمل، والناس افتكرت انها اخدتني من طليقتي وابني».
واستكمل مسلم: «أنا معملتش حاجة غلط وعملت خطوبة زي أي بني آدم ومجرحتش حد بالخطوبة اللي عملتها، وراعيت مشاعرها وعمري ما هجرحها لأنها ام ابني، وكنا مطلقين ومش قايلين لحد، ولما بدأنا نشوف حياتنا قولنا نعلن عشان الناس تعرف، الناس قالت خطوة سريعة، ولكن حسيت مع خطيبتي بحاجات محستهاش مع اللي قبلها، حبيت أن ثقتي في نفسي زادت وقبل كده مكنتش عايش حياة».
وأضاف مسلم أنه عاد مرة أخرى لخطيبته بعد إعلانه فسخ الخطوبة: «ده تسرع مني وأنا اللي نزلت اننا فركشنا وفي ناس قالت بغيظ طليقتي ولا محتاجة أعمل تريند عشان اتشهر، بندم اني عرفت للناس تفاصيل حياتي الشخصية بس اتعلمت، وأنا بني آدم عايز أحب وأعمل أسرة وحياة».
وقال مسلم: «إحنا رجعنا لبعض لأننا مستحملناش نبعد عن بعض ومرضيناش نقول إننا رجعنا، عشان الناس متفكرش إننا بنعمل لقطة ولا تريند، ومش حابب حد يحطها في الحتة دي لأنها أنضف من كده، وناوي إننا نعقل ونكبر ومنتسرعش في أي حاجة بعد كده، أنا اللي اتقمصت شوية وموقف حصل ولكنها مسابتنيش ومسابتنيش زعلان في عز منا غلطان، احترمتها».
