مات قدام المستشفى بعد صفعة فرد الأمن.. القصة الكاملة لوفاة تامر ضيائي وتفاصيل وصيته الأخيرة
![تامر ضيائي](images/no.jpg)
كشفت التحقيقات الأولية في واقعة وفاة الفنان تامر ضيائي خلال تواجده بأحد المستشفيات بمنطقة القاهرة الجديدة خلال توجهه مع زوجته التي تتلقي علاجا كيماويا في المستشفى، أن الفنان تلقي صفعة من أحد أفراد الأمن وبعدها لفظ أنفاسه الأخيرة.
وفاة تامر ضيائي
واستمعت جهات التحقيق إلي أقوال فرد الأمن صاحب واقعة الصفع شهود الذى أكد أن الفنان تعدي عليه في بداية الامر بالصفع على الوجه فقام برد الصفعة له ولفظ أنفاسه الأخيرة بعدها.
وتبين من التحريات الأولية للواقعة أن الفنان المتوفي تامر ضيائي كان يصطحب زوجته للمستشفى لتلقي جرعة كيماوي داخل المستشفى وأثناء دخوله طلب فرد الأمن منه الانتظار نظرا لوجود مرور داخل المستشفى الامر الذى اثار الفنان ووقعت مشادة كلامية بينهما تحولت لمشاجرة قام الفنان الراحل تامر ضيائي بصفع فرد الأمن على وجهه ليرد له فرد الامن الصفعة تعرض بعدها الفنان تامر ضيائي لهبوط حاد وتوفى على البوابة بعد المشاجرة.
وصية الفنان تامر ضيائي قبل وفاته
وكشف مصدر داخل نقابة المهن التمثيلية تفاصيل وفاة تامر ضيائي مؤكدا أن الفنان الراحل تعرض للضرب ما أدى إلى وفاته مشيرا إلي أن التحقيقات لا تزال مستمرة أمام جهات التحقيق.
وكتب الفنان محمد على رزق على صفحته على موقع التواصل الاجتماعي فيس بوك: “لا حول ولا قوة إلا بالله.. صديقي وأخويا الكبير عشرة عمري تامر ضيائي في ذمة الله.. الله يرحمك يا تامر ويجعلك من أهل الجنة ويعوضك عن تعبك في الدنيا.. نسألكم قراءة الفاتحة والدعاء له بالرحمة والمغفرة”.
وكتب الفنان تامر ضيائى على صفحته الشخصية قبل وفاته وصيته عند مماته وذلك بعد رحلة مع المرض: “ده هيفضل باين عل صفحتي لحد ما أموت.. الحقيقة اللى كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينة تتعمل وحاجات خايف تتعمل وأنا مش عايز حد يعملها لمجرد إنها معروفة، ووقتها طبعًا مش هعرف أقولها لحد”.
وتابع تامر ضيائى: “ودي وصيتي.. أولا صلاة الجنازة أهم من العزا وهى اللى كل ما العدد زاد كل ما ثوابى ما كان أكتر، فأرجوكم تصلوا عليا وثانيا مش شرط تيجى العزا وياريت لو اتعمل فى البيت أو مكان بسيط بفلوسه تطلعولى صدقة جارية أفضل، وثالثا من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وادعولى الوقت اللى هتقروا فيه جزء فضوا نفسكم واقعدوا ادعوا فيه، رابعا بلاش صدقة جارية تقليدية وسهلة ومش مستفاد بيها، يعنى المصاحف كتير فى مصر أوى وكل بيت فيه كتير، فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابة أو بناء سقف لبيت فقراء، حاجات ناس تستفيد بيها لمدة طويلة”.
وأوضح تامر ضيائي: "خامسا دى نقطة مهمة أوى بالنسبة ليا.. محدش يقول لحد بتعيط عليه ليه، ومتعيطش عشان هو بيتعذب!! الكلام ده غلط، سيبوهم يعيطوا لحد ما يطلعوا كل الشعور اللى عندهم ومفيش حاجة بتقول إن العياط معناه عدم رضا بقضاء ربنا "وابيضت عيناه من الحزن فهو كظيم"، وسادسا أهم حاجة تانى هى الدعاء وبس والصدقة، وسابعا من فضلكم تكثفوا الدعاء وقت نزول القبر وتتصدقوا بأى حاجة بنية إن ربنا يجعل قبرى روضة من رياض الجنة ويثبتنى عند السؤال لأن ده أهم وقت ليا ويا ريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى".
وتابع تامر ضيائي “وثامنا الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، وتاسعا اللي بيحبوني يدعولى كتير عشان لو مفيش حد يدعيلى، وعاشرا ودى مهمة أوى أوى أوى عاوز الكل يسامحني على أي حاجة عملتها فيه بقصد لو بدون قصد”.
واختتم تامر ضيائى حديثه بدعاء قائلا: "اللهم إن كثر موت الفجأة من حولي وكثر موت الشباب غفلة، فيارب إن كنت أنا القادم فأحسن خاتمتي ويسّر طلوع روحي وهوّن عليّ سكراتي فإني أحب أن أرحل في هدوء وسكينة وطمأنينة، ولا تقبض روحي إلا وأنت راضٍ عني لكي أكون عبدا مقبولا عندك حتى أليق بلقائك العظيم، وإن كان لي من العمر باقٍ فاغفر لي ذنوبي ومعاصي نفسي الأمّارة بالسوء واعفو عني وامحو لي كل ما يعرقل طريقي إليك وردّني إليك ردًّا جميلًا يا رب العالمين".