رد مفاجيء من إبراهيم سعيد.. هل شمت جمهور الأهلي في رمضان صبحي؟

علق إبراهيم سعيد نجم الأهلي ومنتخب مصر السابق على رفع الإيقاف عن جناح فريق بيراميدز ومنتخب مصر الأول لكرة القدم رمضان صبحي.

وكانت الوكالة المصرية لمكافحة المنشطات قد رفعت هذا الأسبوع الإيقاف عن رمضان صبحي بعد ثبوت براءته من تهمة التلاعب في العينة.

وقال إبراهيم سعيد في تصريحات تليفزيونية خلال الساعات الماضية: «رمضان صبحي تم رفع الإيقاف عنه بعد ما ناس كثير قالت هيتوقف سنتين أنا بالنسبة لي لو اتوقف 6 شهور أكنه بطل كورة، لإن اللعيب لما بيقعد 4 أو 5 مباريات بيأثر على مستواه وإحساسه في الملعب، وبيكون ضغط نفسي قوي عليه».

وتابع إبراهيم سعيد: «أكيد كان موقف صعب على رمضان صبحي وأنا بحب رمضان صبحي وعاجبني موقف جماهير الأهلي في الأزمة دي بصراحة مكانش فيه شماتة عشان رمضان لا زالت الناس بتحبه وملقتش في السوشيال ميديا حد شمتان بالعكس كانوا بيدعوا له إلا بعض الأشخاص قليلين جدا وطبيعي تلاقي حد ميحبكش».

وأضاف إبراهيم سعيد: «في الأول والأخر هي كورة، عمرنا ما هنشمت في حد وده شاب في عز سنوات عمره، وأنا بصراحة مبسوط بعودة رمضان صبحي لإنه من اللاعيبة الكويسة بس السؤال: هل رمضان عنده الاصرار يرجع تاني.؟ بتمنى ربنا يوفقه وفي النهاية هي منافسة وغياب 7 مباريات مقبولة شوية».

واختتم مدافع الأهلي السابق: «رمضان صبحي عمره ما غلط في حد ولا اتكلم على حد بإسلوب وحش وإن شاء الله يرجع بقه بمستوى كويس عشان احنا محتاجينه في المنتخب الفترة اللي جاية».