دمرني وبيبتزني.. اتهامات متبادلة وتهديد بالحبس بين شيرين عبدالوهاب وحسام حبيب

تصدرت الفنانة شيرين عبدالوهاب ترند مؤشرات محرك البحث جوجل خلال الساعات القليلة الماضية، وذلك بسبب طليقها المطرب حسام حبيب.

أزمة شيرين عبدالوهاب وحسام حبيب

رد الفنان حسام حبيب على اتهامات الفنانة شيرين عبدالوهاب التي وجهتها له ومنها تقاضيه 200 ألف دولار منها.

وقال حسام حبيب خلال تصريحات إعلامية: "أنا حزين من اللي بيحصل، والتصرفات دي بريء منها تماما".

وأضاف: "كل اتهامات شيرين غير حقيقية ويحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها؟".

أول تعليق لشقيق شيرين عبدالوهاب

دخل محمد عبد الوهاب "شقيق المطربة شيرين عبد الوهاب"، على خط التصريحات المنسوبة لها، والتي تستغيث فيها مجددا من زوجها السابق حسام حبيب.

محمد عبد الوهاب، عبر صفحته في موقع فيسبوك، كتب،:" يا شيخة والله ربنا ياخدنا بقى عشان نرتاح من القرف ده، كفايه بقى أقسم بالله قرفنا والناس قرفت واشمئزيت منكم".

تابع، واصفا قصتها مع حساب حبيب:"أقذر قصة عرفتها البشرية والله، حسبي الله ونعم الوكيل فيكم انتو الاتنين".

جاء تعليق شقيق المطربة شيرين عبد الوهاب، عقب نشر تصريحات صحفية منسوبة للمطربة، تستغيث فيها من زوجها السابق حسام حبيب، وتتهمه فيها بسرقة مصوغات ذهبية، وابتزازها ماليا.

ماذا قالت شيرين عبدالوهاب؟

قالت شيرين عبد الوهاب: "الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي".

وأضافت شيرين عبد الوهاب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.

وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.

واستكملت شيرين عبد الوهاب: أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي.