مش عارف يجيب أكل لابنه.. حكاية فنان يتسول في الشارع تثير الجدل | شاهد

روى الفنان مدحت تيخا، تفاصيل صادمة عن ممثل يتسول في الشوارع لأنه لا يمتلك المال حتى يطعم بها طفله الصغير.
كتب مدحت تيخا عبر حسابه على «فيس بوك»: «معلش مش قادر اسكت كنت في شارع في الجيزة عند محل من المحلات وقابلت وأنا خارج بالصدفة زميل كان معايا في المعهد (ممثل) ماشي في الشارع بيشحت طبعا».
أضاف: «أول ما شافني اترعب واتكسف جدا ومعاه ابنه صغير عنده 6 أو 7 سنين بالكتير أول ابنه ما شافني وأبوه بيسلم عليا قاله هو ده يا بابا عمو اللي هيجيبلنا الأكل طبعا أنا مفهمتش».
أشار: «فجأة لاقيت زميلنا ده انفجر في البكاء الشديد وقال لي كنا في البيت وابني جعان ومش معايا حتى ١٠ جنيه اجيب له واحد فول وواحد طعمية عشان يشبع قولت له تعالى ننزل نتمشى شوية وهنقابل واحد هيجيبلنا أكل».
اختتم: «عارفين مين السبب؟ بكرة هقولكم نا قولت له هحكي اللي حصل ده للناس وافق بس قاللي كلمه قطعت قلبي قالي أوعى تفضحني وتقول اسمي قولت له أقسم بالله العظيم ما في مخلوق على وجه الأرض هيعرف أسمك».
مدحت تيخا
وبعد ساعات حذف مدحت تيخا المنشور عقب علمه بأنه ليس عضوا في نقابة المهن التمثيلية، وعلق قائلًا: «شكرا نقابة المهن التمثيلية كنت قد كتبت منذ ساعات عن حالة لشخص يمر بظروف مادية صعبة وكنت أعتقد أنه عضو في النقابة».
تابع: «على الفور تحركت النقابة بقيادة الدكتور أشرف زكي شخصيا وتبين لنا أن هذا الشخص لا ينتمي للأسرة الفنية ومع ذلك أصر النقيب على البحث عنه والوصول إليه لمساعدته في محنته رغم أنه ليس عضوا في النقابة».