بنتي كان نفسها في عجلة.. اعترافات صادمة للمتهم بقتل جدته بالدقهلية
أدلى المتهم بقتل جدته بقرية الروضة بالدقهلية باعترافاته أمام النيابة، قائلا إنه يعمل أمن إداري، ويمر بأزمة مالية.
وأضاف: كنت محتاج فلوس وبنتي كل يوم تقول لي عاوزه "عجلة يا بابا" كل يوم كانت تطلب مني عجله زي اصحابها كان قلبي بيتقطع وانا عاجز انى اجيب لها عجله العجلة تكلفتها 2000 جنيه، كنت عارف ان جدتي عندها فلوس ومش محتاجاها قوي فقلت اخذ الـ 2000 جنيه لقيت 5000 فاخذتهم قلت اصرف نفسي بالتلاته مؤقتا والالفين اجيب لبنتى العجلة، لكن حظي وانا باخد الفلوس جدتي شافتني.
وتابع: "انا ما بكرهش جدتي بالعكس بس كنت محتاج فلوس الايام دي الحاجه صعبه والاسعار غاليه وبنتى الصغيرة نفسها في حاجه مش عايز أحرمها منها انا قلت اخدهم وابقى ارجعهم ثاني مش هتاخد بالها حظي انها شافتني ما بقتش عارف اعمل ايه قلت اهرب مش هينفع هي شافتني خلاص، ضربتها بخشبة على دماغها لحد ما نزفت وغابت عن الوعي شلتها وحطيتها في البدروم وقيدتها وقفلت عليها وهربت انا كنت ناوى والله ارجع الفلوس بس حظي انها شافتني انا مش عارف عملت كده ازاي".
وسادت حالة من الخوف والحزن بين أهالى قرية الروضة التابعة لمركز طلخا بمحافظة الدقهلية عقب علمهم بمصرع مسنة وقتلها وتقيدها داخل بدروم.
وكثفت المباحث من جهودها المستمره لعده ايام لكشف الحقيقه هل الابن ام شخص اخر وبالفعل توصل ضباط المباحث إلى أن حفيدها من ابنتها هو من قام بذلك بسبب 5000، وألقت الأجهزة الأمنية بمحافظة الدقهلية القبض على المتهم بقتل مسنة بقرية الروضة التابعة لمركز طلخا، بعد 4 أيام من العثور على جثمانها داخل بدروم منزلها ليتبين قيام حفيدها، "ابن نجلتها"، فرد أمن بكمبوند بمنطقة التجمع الخامس بالقاهرة بالتخلص منها بعد ما رأته خلال قيامه بسرقة مبلغ مالي وقدره 5 آلاف جنيه من داخل مسكنها فظلت تصرخ فخاف من افتضاح الامر وانهى حياتها.
