ميس حمدان تكشف عن مواصفات فتى أحلامها وأسرار فشل العلاقات | فيديو
تحدثت الفنانة ميس حمدان عن العلاقة بين الرجل والمرأة، وفكرة الشريك وسبب فشل العلاقات بين الطرفين، موضحة صفات فتى أحلامها.
ميس حمدان في أسرار النجوم
وقالت ميس حمدان خلال برنامج «أسرار النجوم» المذاع على «نجوم إف إم» مع الإعلامية إنجي على: «أوقات بحس باحتياجي للحب والدلع وأوقات أخرى لا أشعر بذلك، وهو إحساس متقلب لأن الناس اللي حوالي في العلاقات الزوجية كتير منهم مش مرتاح».
ميس حمدان تتحدث عن العلاقات الزوجية
أشارت ميس حمدان أن عدم استمرار العلاقات الزوجية بسبب البعد عن ربنا مستشيره: «احنا كأمة بعدنا عن ربنا خالص، وأنا مش شيخة لكن مفيش حد دلوقتي بيكتفي بشخص واحد في حياته وده سبب بعدنا عن ربنا، وما بقاش حد راضي باللي عنده الناس بقت بتقلد اللي بيحصل على مواقع التواصل الاجتماعي، والستات مش سايبة الرجالة في حالها ومحدش عايز يكتفي بحد واحد، والناس ما بقتش طايقة نفسها، والناس بقت بتتجوز بسرعة وتتطلق بسرعة».
مواصفات فتى أحلام ميس حمدان
وأكدت ميس حمدان أن الرجولة لا تتجزأ ولا يختلف عليها اثنان موضحة: «أي ست عايزة الراجل المحترم والأخلاق اللي بيخاف ربنا والسند والطموح، واللي بيعرف يتصرف وانا عايزة كل المواصفات دي».
وتابعت ميس حمدان: «أنا بكره الراجل المهزوز، واللي ما بيعترفش بنقط ضعفه واللي ما بيعرفش ياخد قرار، لأن الراجل ده بيهبط من نظري، ومعنديش مشكلة في الراجل اللي يعترف بضعفه».
