انت دمرت حياتي.. ريهام سعيد تحذف صورها وتوجه رسالة مؤثرة | شاهد
أعادت الفنانة والإعلامية ريهام سعيد الجدل مرة أخرى، حيث قامت بحذف جميع صورها عبر صفحتها الشخصية بموقع التواصل الاجتماعي «إنستجرام» بشكل مُفاجئ.
وكتبت ريهام سعيد رسالة مؤثرة حيث قالت: «نادر صعب انت دمرت حياتي ده ولا عشان ميديا ولا قضايا انت لازم تعيش وانت فاهم انكً دمرت حياتي ومستقبلي أنا مسحت الصور القديمه لأني مش قادره أشوفها وأشوف اد ايه انت دمرتني واد ايه أنا كنت جميله، ولا قادره أشوف صوري الجديده لأني مشوهه ومش أنا.. قريت تقرير الطب الشرعي؟ قريت أن في خطأ طبي؟ قريت اني مشوهه ؟؟؟؟ حسبي الله ونعم الوكيل فيك ربنا ينتقم منك يا رب وأي حد بينصرك عليه. أنا ولا حسه اني ست ولا حسه اني عايزه اعمل حاجه أنا انتهيت وانت السبب. قالوا لي ماتمسحينش كل الصور وكل حاجه عشان هاتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه».
وأضافت: «أنا كده كده خسرت هويتي بعد ما ضيعت عينيه مفيش اغلي من كده هاخسر. ماعداش يوم من غير ما ابكي من الحزن على إلى انت عملته فيه. ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ }:صدق الله العظيم.».
وتابعت: «بقالي ٨ شهور يجري في القضايا ولسه ماوصلتش لحاجه بس أوعدك الحق راجع وأكيد في يوم هاتحس انت عملت فيه ايه.انا بستغيث باي دكتور شريف يقدر يحسن وشي مش للدعايه ولا المتاجره بيه.يا رب يارب يرزقني بدكتور يحييني بعد ما نادر صعب موتني.ارجو أن التعليقات المجرحه على شكلي تقف لان مفيش فأيدي حاجه اعملها».
