إحنا ليه مكسوفين نقول الكلام بمعناه الحقيقي.. هجوم ناري من ياسمين عز على الفنانات بسبب المساكنة |فيديو
علقت الإعلامية ياسمين عز، على الجدل المثار خلال الأيام القليلة الماضية، بسبب تصريحات بعض الفنانات عن المساكنة والصلاة والحجاب.
طالبت «عز» خلال برنامجها «كلام الناس»، والذي يعرض عبر قناة «إم بي سي مصر»، الفنانين بعدم إبداء رأيهم في الثوابت الدينية، متابعة: «ممكن اللي بتمثل تمثل بس، واللي بتغني تغني بس، واللي بترقص ترقص بس، ممكن متقولوش رأيكم في الدين، وتحفظي بيه لنفسك، قوليه قدام مرايتك».
وأكدت أن المساكنة حرام، وأن الصلاة والحجاب فريضة، متابعة: «رأيك عن الصلاة احتفظي بيه لنفسك، الصلاة مفيهاش رأي، سيبونا نعمل حاجة لله وآخرتنا».
وأضافت: «من هو مخترع المساكنة؟! واحد مش عايز يتجوز واحدة قالها تعالي انت هتبقي مراتي، صدقته وراحت، ده تعريف مؤدب وبسيط، فيه تعريف آخر غير مؤدب أنا مش هقوله».
وتابعت «عز»: «المساكنة قلة أدب، المساكنة يعني اثنين مش متجوزين عايشين في بيت واحد مع بعض، إحنا ليه مكسوفين نقول الكلام بمعناه الحقيقي، ده مش عيب، ده حرام، وإهانة للمرأة، أين دينك؟!».
