كبرت بس مش باين عليَّ.. دينا تكشف سر عدم ظهور علامات تقدمها في العمر | فيديو

كشفت الفنانة والراقصة دينا، عن سر عدم ظهور علامات وأثار تقدمها في العمر، بأنها تمارس الرياضة يوميًا بلا انقطاع أو الرقص.
دينا تكشف سر عدم ظهور علامات تقدمها في العمر
قالت دينا خلال مقطع فيديو نشرته عبر حسابها على «إنستجرام»: «أحيانا بيقولوا حاجات تضحك، يقولوا أنتي كبرتي يا دنيا، هو انتي مبيبانش عليكي الكبر ليه؟ مببقاش فاهمة هو أنا كبرت ولا مبيبانش عليا الكبر، أنا مبتأثرش أوي عشان مضايقش اللي بيحبوني».
تابعت: «أنا كبرت بجد بس مبيبانش عليا الكبر بجد، لأن من وأنا عندي 15 سنة لحد النهاردة عمري ما نمت وفي وشي مكياج، ولازم أحط كريم بليل وكريم بالنهار، وعمري ما استحميت ومحطتش كريم لجسمي، ولازم ألعب رياضة كل يوم، أو أرقص».
أشارت: «مباكلش غير مرة في اليوم طول عمري، الصيام المتقطع اللي طالعين فيه دلوقتي أنا بعمله من وأنا 15 سنة، أنا مبحبش الأكل أوي، بحب نعمة ربنا، وكل أصناف الاكل إنما مفيش حاجة عندي أهم من نفسي، بالتالي بحافظ على نفسي إني أوصل لين معين وأنا محافظة على نفسي».
اختتمت: «مبزعلش لما بيقولوا كبرتي لأني دي الحقيقة ومش متضايقة،يا رب كلكوا توصلوا لسني وتبقوا زيي».