ياسمين عز تدعو إلى إلغاء الخطوبة: «مالهاش أي معنى» | فيديو
دعت الإعلامية ياسمين عز، إلى إلغاء فكرة «الخطوبة» قبل الزواج، معقبة: «الخطوبة دي شيء مالوش أي معنى».
وقالت «عز» خلال برنامجها «كلام الناس»، والذي يعرض عبر قناة «إم بي سي مصر»، الجمعة: «المفروض يلغوا الخطوبة، يبقى كتب كتاب وجواز على طول، الخطوبة دي شيء ملوش أي معنى».
كما دعت لتأجيل شراء الذهب «الشبكة» إلى مرحلة عقد القران والزواج، موضحة: «نجيب ليه دهب في الخطوبة وهي ممكن تتفركش في الآخر، وبعدين تقولك مش هديك شبكتك إنت اللي سيبت».
وأضافت: «لما تتأكد إن هي دي ربة المنزل اللي انت عايزها هات الذهب»، مشيرة إلى الارتفاع الكبير في أسعار الذهب.
وتابعت «عز»: «موضوع الدهب لازم يكون بالعقل أو يتأجل لحد كتب الكتاب، ليه الفشخرة؟! أنا حذرتك وانت براحتكن أنا بقول من بدري، عشان بعد كده بندخل في قصص الذهب وبعدين القائمة وبعدين محكمة الأسرة».
وأكملت: «الخطوبة مش جواز، نكون بالمعقول عشان لو اتفركشت، المفروض يلغوا الخطوبة، يبقى كتب كتاب وجواز على طول، ده رأيي المتواضع».
