كان خطيب صاحبتها.. القصة الكاملة لأزمة البلوجر سلمى عبد العظيم وصديقتها كاميليا | شاهد

تصدرت البلوجر سلمى عبد العظيم مؤشرات البحث على “جوجل” ومنصات التواصل الاجتماعي للصور والفيديوهات “إنستجرام” و"فيسبوك"، وذلك بعد أن قام حبيبها بالتقدم لخطبتها بطريقة رومانسية في حضور جميع الأصدقاء.
وقام البلوجر علاء جمال بتحضير حفلة على أحد شواطئ البحر، بحضور جميع أصدقاء سلمى المقربين، ثم ركب الحصان وقام بالنزول منه، وتأتي سلمى بطريقة مفاجئة ليتقدم لها بطريقة رومانسية في عيد ميلادها.
أزمة البلوجر سلمى عبد العظيم مع صاحبتها كاميليا 
وتداول رواد السوشيال ميديا الفيديو والصور بطريقة كبيرة عبر منصات التواصل الاجتماعي “إنستجرام” و"فيسبوك"، وعلق البعض: “انتي ازاي عملتي كده وخدتي علاء من كاميليا”.
لترد كلا من كاميليا وسلمى على حسابتهم الشخصية على الجدل المنتشر بسببهم على مواقع التواصل الاجتماعي، لتكتب سلمى ردًا على الانتقادات والهجوم الشديد التي واجهته على حسابها الشخصي انستجرام: خلصتوا خلاص ولا لسه..خلصتوا تخريب في شكي وسمعتي اللي كل ما تبقى كويسة تخربوها، أنا مش مسامحة كل واحد اتكلم عليا كلمة مش على حق، أنا من يوم ماطلعت على السوشيال ميديا، 
وتابعت: لا عمري أذيت حد ولا جيت جنب حد، ولا طلعت تريند بالشكل ده، والتريندات اللي طلعتها كانت متعلقة بيا ما فكرت انتحر ولما طلعت قولت أني معمولي عمل، أنا لو قلت إني كويسة هل هتصدقوا ده؟..لا طبعا وده أنا متقبلاه من يوم ماطلعت على السوشيال ميديا، وأنا مش هرد الإساءة وربنا هيجبلي حقي.
ونشرت كاميليا فديدو قالت فيه: حابة أوضح حاجة مهمة، وديه هتبقى أول مرة اتكلم في المووضع ده، أنا انفصلت عن خطيبي في شهر يناير، يعني من حوالي 9 أشهر، وعلاقتنا انتهت، وأنا اللي طلبت الانفصال وعلاقتنا انتهت بكل احترام، وماشوفتش منه غير كل احترام، طبيعي كل واحد بعد الانفصال يعيش حياته بالطريقة اللي هو عايزه.
وأضافت: كون إن الحد ده كانت صاحبتي أنا عارفة إن ناس كتير ممكن ماتقلبش الكلام ده، بس هو نصيب، وما فيش واحدة بتخطف واحد من واحدة علشان احنا مش صغيرين احنا كبار، وكل واحد عارف بيعمل ايه، في تفاصيل  كتير مش حابة اتكلم فيها لأن محدش ليه حق يعرفها، وعلاقتي انتهت بالاتنين خلاص، وكفاية لحد كده كلام في الموضوع، وخوض في الأعراض، وياريت ننهي الموضوع.
ونشر رواد السوشيال ميديا صورة من خطوبة البلوجر كاميليا مع علاء قديما، مع وجود سلمى في حفل الخطوبة وهي تقوم بتصويرهم وهي سعيدة، ومع الوقت أعلنت كاميليا الانفصال عن علاء بطريقة مفاجئة رغم قصة الحب بينهما.
وفجأة بعد انفصال علاء وكاميليا، أعلنت سلمى عبد العظيم أنها مرتبطة بعلاء، وبعدها قام المتابعون بالتعليق على صورهما بطريقة حادة بأنها يعتبر “خطفته من صاحبتها”.
وخرجت سلمى عن صمتها بالرد على الهجوم عليها “ده نصيب وأنا مخطفتش حد، وهما سابوا بعض أصلا بعد ما تجمعهم أي علاقة وكمان كنت أول مرة اشوف علاء في خطوبته على كاميليا”، وبعدها بفترة وجيزة نشرت سلمى صورة تجمعها مع كاميليا أمام الكعبة.
وأكدت سلمى عبد العظيم بعد صورتها مع البلوجر كاميليا، أنه تم التصالح بينهما، وانتهاء الخلاف بينهما بكل حب واحترام.