لو مسافرش هيزعل.. شوبير يكشف غياب صفقة الأهلي الجديدة عن السوبر الأفريقي

كشف الإعلامي أحمد شوبير عن غياب يوسف أيمن، مدافع الأهلي الجديد، عن مباراة السوبر الأفريقي أمام الزمالك، والمقرر إقامتها 27 سبتمبر، في المملكة العربية السعودية.
وقال شوبير، في تصريحات إذاعية: «مش عارف إيه المشكلة الموجودة دلوقتي؟، وليه الناس بتتكلم عن غضب وزعل يوسف أيمن رغم لعب مباراتين فقط في الموسم الجديد؟، وفي كلام إنه مش هيسافر، وهو منضم للأهلي على سبيل الإعارة، ومن المفترض أن يحصل على الفرصة».
وأضاف: «لو مسافرش إلى السعودية مع الأهلي، ده ممكن يسبب حالة زعل لدى اللاعب».
وتابع: «مارسيل كولر، مدرب الأهلي، مش مفهوم، يعني الموسم اللي فات خالد عبدالفتاح مكنش بيشارك، والجميع قال إنه ممكن يمشي في نهاية الموسم، بعد نهاية فترة الإعارة، وشوفناه بعد كده بيشارك في مباراتي بيراميدز أساسيا، وكان هيختم الموسم، لولا طرده ظلما في لقاء بيراميدز».