هبقى قليلة أدب..رد ناري من بسمة وهبة على منتقدي إقامتها لحلقة ذكر | فيديو
شاركت الاعلامية بسمة وهبة جمهورها ومتابعيها، مقطع فيديو ردت من خلاله على مهاجمى الصوفية، ووجهت لهم رسالة غاضبة.
رسالة بسمة وهبة لمنتقديها ومهاجمي الصوفية
ونشرت بسمة وهبة الفيديو، عبر حسابها الرسمي بموقع التواصل الاجتماعى «انستجرام»، وتحدثت خلاله قائلة: «في ناس بتشوه صورة الصوفية وإنها تبع العصر الجاهلي وإن فيهم ناس وحشة، وأنا عاوزة أقولهم عيب اللي بيتقال عن الصوفية، ده طريق تسمو فيه روحك مع ذكر الله والتوسل إلى الله ورسوله، وإحنا بنحب أي حاجة ربنا بيحبهم لأن ربنا بيعزهم وبيحبهم».
وتابعت بسمة: كنت عايشة على حبوب المهدئات والاكتئاب في فترة في حياتي ولما عشت مع الصوفية بدأت روحي تتجلى، بذكر الله ورسوله وإحنا بننشد لسيدنا النبي بعد ما الناس غنت ليه طلع البدر علينا، وده بيخلي روحك معلقة في السماء، والصوفية طريق حلو وجميل ومش هتخسر فيه هتكسب فقط مليان ناس كلها خير ومحبة وبنتقابل في الله وحبه.
رد بسمة وهبة على منتقدي إقامتها لحلقة ذكر
وفي الفيديو نفسه حرصت بسمة وهبة الرد على منتقدي إقامتها لحلقة ذكر منذ عدة أيام، قائلة: فيديو صاحبتي اللي عملته كانت مصابة بالسرطان وانتشر في جسمها وكنا عاملين حلقة ذكر عشان نقويها، وكنا بستعين بالله، والسوشيال ميديا كتبوا عناوين غلط إني بقول بحق الشيخ جابر يشفى صاحبتي.
وأضافت: «ربنا لا يسامحكم لأنهم خدوا الكلام غلط ومنكم لله وأنا ما استعنتش بـ بني آدم أن يشفى صديقتي، ومنكم لله عشان أنا كنت بقول حق الشيخ جابر وربنا يشفيها، وأي حد هيغلط في الدين أنا هبقى قليلة الأدب وهقل أدبي عليه وهمرمط بيه الأرض»
