كان فاكرها بتكلم شباب في التليفون.. والد نيرة ضحية الزوج يكشف تفاصيل مثيرة

"رمضان جوز بنتي قتلها وخلص عليها هو كان فاكرها بتكلم شباب بس هي غلبانه وملهاش في الكلام ده"، تلك الكلمات كانت بداية حديث والد نيرة التي لقيت مصرعها على يد زوجها في بدر.
وجاءت نص أقوال والد نيرة المجني عليها على يد زوجها في بدر كالآتي:
س: ما سمك
ج: ياسر محمد احمد عمر، وساكن في التجمع الأول - القاهرة وعندي 51 سنة 
س: ما معلوماتك بشأن الواقعة محل التحقيق ؟
ج اللي حصل ان بنتى نيرة عندها ٢٤ سنة وكانت متجوزة من رمضان عبد الله بقالهم حوالي 5 او 6 سنين وكانوا ساكنين في المنيا في البلد وكانوا مخلفين يونس واحسان وشهرتها مريم وكان في مشاكل بينه وبين بنتي لان هو كان مش بيشتغل وكان بياخد عفش البيت يبيعه ومن حوالي 3 سنين حاول يموت نيرة وراح جاى خنقها بس البنت هربت منه وجت على بيتى في التجمع الأول ولما سالته عملت كدة لية قالى ان هو مش ها يعمل كدة ثاني وإن ربنا هداه وبداء يصلى".
وتابع، عرفت من بنتى انه علشان كان عاوز يبيع الثلاجة بتاعة الشقة ومرة ثانية حاول يموتها من حوالي سنة وكانت عندهم في البيت في البلد وكان ها يفطسها بالمخدة وكان حاططها على وشها وابوه الى حاش عنها وقتها ومن حوالي عشر شهور هو كان رامي عليها يمين الطلاق في الشارع لان هو كان مانعها تيجى تزورنا ولما قالتله ها روح ازور ابويا وامى راح جای رامى عليها اليمين واتخانق معاها".
واستطرد، لما نيرة كانت عندى كان معاها ولادها واحسان بنتها تعبت وجالها التهاب رئوى وجريت بيها على المستشفيات وبعدها ب ٣ أيام جه رمضان المتهم واخد البنت من الحضانه وودها للدكتور ورجع بالليل كان معاه روشته وقال انه مش معاه فلوس يجيبها وقالي مش مهم نجيبوها هي كده كده ها تموت وثاني يوم وانا رايح اصلى الفجر لقيت البنت قاطعة النفس وروحت بيها على المستشفى ولقيت الدكتور قالي انها توفت بسبب الالتهاب الرئوي وجه رمضان واخد البنت وطلع بينها على المنيا ودفتها هناك وبعدها باسبوع جه هو واهلة علشان يرد مراته ولما رفضا قالنا انتوا إلى قتلتوا البنت وبعدها بحوالي 15  يوم جة واعتذر ورجعنا البنت معاه واحد نيرة وراح عاش بيها في بدر لان هو كان شغال غفير هناك ومن حوالي أسبوع قبل جريمة القتل كلمتها على تيلفون رمضان لان هو مانع عنها التيلفون وردت عليا وقالتلي انها كويسة ويوم الواقعة لقيت أبو رمضان بيكلمني حوالي الساعة 9 بالليل وبيقولى رمضان قتل نيرة ولما قلتله قتلها ازاى ولية قالي ما اعرفش انا قولتلك كذا مرة ماترجعش بنتك لية وروحت على قسم بدر قابلت رئيس المباحث وعرفت من أمين شرطة هناك ان بنتي مانت مخنوقة واستلمت جثة بنتي تاني يوم من مشرحة زينهم وماشوفتش في بنتى أى إصابات وروحت البلد دفتها واخدت العزاء وانا بتهم رمضان جوزها انه قتلها.
س:  متى وأين حدث ذلك ؟
ج: انا عرفت ان رمضان قتل نيرة يوم الخميس ۲۰۲٤/٨/٢٩ حوالي الساعه ۹.۰۰ بالليل في بيتها مدينة بدر
س: وما هو طبيعة عملك والأجر الذي تتقاضاه ؟
ج:انا شغال غفير في التجمع الأول وبقالي حوالي ٣٠ سنة في القاهرة وعندى عربية سوزوكي شغال عليها سواق
و بيطلعلی حوالی ٥٠٠٠ جنية في الشهر
س  : وما هي علاقتك بالمجنى عليها / نيرة ياسر محمد احمد عمرو ؟
ج هي بنتي.
وكشفت تحقيقات النيابة العامة عن تفاصيل أقوال المتهم حيث قال “:اللي حصل إن انا متجوز نيرة بقالي 3 سنين وربنا كرمنا بولد وبنت، "يونس واحسان" وانا اتجوزت مراتي وكنا عايشين في المنيا وبعد كده حصل مشاكل في بيت العيلة عندنا فأبويا قالي خد مراتك واطلع على القاهرة فأنا جيت على التجمع الأول وأجرت شقة جمب أهل مراتى لأنهم ساكنين هناك واشتغلت اى حاجة تجيب فلوس حلال عشان خاطر اكفى بیتی وبرضه مكنش عاجب مراتي وأهلها وكانوا دايما بيستهزأوا بيا وبعيروني عشان خاطر هما معاهم فلوس كثير".
وتابع، بعد كده طلبت منى إن أنا اجيبلها شقة ثانية وانا كنت شغال وقتها غفير في مدينة بدر وكنت شغال برضه سواق على ميكروباص عشان خاطر أحسن دخلی وفعلا رحت دفعت عربون ايجار شقة في الكيلو 4 ونص مدينة نصر وثاني يوم وانا في الشغل لقيت واحد صاحب حمايا بيكلمني وبيقولى إن بنتى احسان ماتت فأنا جريت بسرعة ولما سالتهم هي ماتت ازاى معرفتش أخد منهم حق ولا باطل وبعدين وأنا رايح أدفنها عندنا في المنيا ببص على بنتى لأول مرة لقيت في خرابيش في وشها ولما سألت أهل مراتي لقيتهم مسكوا فيا ورفعوا عليا عصايا فأنا من ساعتها قولت أنا لازم أجيب حق بنتي وانتقم من مراتي واقتلها زى ما قتلت بنتي والكلام ده كان من حوالي 5 او ٦ شهور لما بنتی احسان ماتت ومن ساعتها وأنا بفكر ازاى انتقم لبنتي واقتل مراتي وحاولت أعمل الموضوع ده أكثر من مره بس فشلت من ضمنهم مرة بعد ما بنتى ماتت علطول كنت سايق الميكروباص بتاعي وكنت رايح على السلام بالليل ركب معايا شاب معرفوش وقابلنا كمين ولقيته بيقولى إنه معاه خنجر قولتله هاته متخفش ولما عدينا من الكمين خدته منه واديته ٥٠٠ جنيه وفضلت شايل الخنجر معايا عشان خاطر اخد حق بنتي".
واستطرد، بعدها بكام يوم مراتي كانت عند أهلها لفيت من وراها عشان خاطر اقتلها بس مقدرتش وبعد كده خدتها وجيت عشت انا وهي وابني في بدر في العمارة اللي انا غفير عليها وبعد كده أجرت الشقة اللى انا عايش فيها دلوقتي من ٣ شهور وقولت ان دى الشقة اللي انا مخلص عليها فيها وفعلا حاولت حوالي ٥ او ٦ مرات قبل كده وفشلت وكل مرة كانت تعدى منها لحد مجيت الساعه ۷.۰۰ بالليل تقريبا كنت راجع من الشغل ودخلت البيت وهي كانت قاعدة في اوضة النوم جمب المرتبة ولقيت ابني يونس كان بيعيط فأنا افتكرت بنتي احسان واللى حصلها قولتلها انتي بتضربي الواد وعاوزه تموتيه هو كمان فردت عليا وعلت صوتها واحنا عالم صعايدة فأنا رحت ضربها كام قلم وقولت انا هقتلها وانتقم منها واخد حق بنتي وهي كانت قاعدة على يميني رحت جي خانقها من وراها ورحت جای حاطط دراعی على رقبتها وايدى على بقها رحت جي حاططها بين رجليا لحد ما اتأكدت أن النفس راح خالص ورحت جای شاددها على المرتبة وببص لقيتها الروح ويتحشرج فقولت انا مش هسيبك غير لما اخلص عليكی رحت جی حاطط ایدی خانقها  وبعد كده وحت شغلت قرآن وجيبت المصحف من الأوضة الثانية حطيطه جمبها واتصلت على الشرطة.
وكشفت التحقيقات أن المتهم اعتقد أن سبب وفاة بنته هو قيام أحد من أهلية والدتها بالتعدى عليها مما أدت إلى وفاتها.
قاتل زوجته في بدر
أمرت نيابة القاهرة الجديدة الكلية، باستدعاء ضابط التحريات في واقعة مقـ ـتل ربة منزل على يد زوجها في منطقة بدر لسماع أقوالة في الواقعة.
كشفت تحقيقات نيابة القاهرة الجديدة الكلية، تفاصيل مثيرة في واقعة مقـ ـتل ربة منزل على يد زوجها في منطقة بدر.
واعترف المتهم بقتـ ـل زوجته في بدر، أنه تخلص من زوجته بسبب خلافات سابقة وفي يوم الواقعة كتم أنفاسها ووضع مصحف بجوار الجثة.
وأكد المتهم في تحقيقات النيابة العامة، أنه خلص على زوجته، وأبلغ أفراد الشرطة للقبض عليه معترفًا بجريمته، ومثل المتهم الجريمة أمام فريق من النيابة العامة وسط حراسة أمنية مشددة.
جريمة بدر
وبرر المتهم جريمته، أمام جهات التحقيق، أنه منذ فترة توفت نجلته أثناء مكوثها عند والد زوجته في التجمع وأثناء الحديث كنت أتذكر وفاتها ويشير إلى أسرة زوجته بالاتهامات ومن هنا بدأت الخناقات المستمرة، حتى قرر المتهم التخلص من زوجته.
 وكشفت التحقيقات، أن المتهم حاول التخلص من زوجته أكثر من مرة، ولكن محاولته باءت بالفشل حتى قرر إنهاء حياتها بكتم أنفاسها أثناء استغراقها في النوم.
وأشارت التحقيقات، إلى أن الأجهزة الأمنية بمديرية أمن لقاهرة تلقت اخطارًا من قسم شرطة بدر يفيد العثور على جثة ربة منزل داخل شقتها.
وكشفت التحريات أن وراء الواقعة زوجها، تم القبض على المتهم وتبين أن سبب الواقعة خلافات سابقة بينهما.
البداية، عندما ورد لقسم شرطة بدر بلاغ من غرفة عمليات النجدة يفيد قيام احد الأشخاص بخنق زوجته حتى الموت بعقار رقم ٣٣ مج ٥ - ح ٣ دائرة القسم وبالانتقال المحل البلاغ، تبين ان الشقة محل البلاغ بالطابق الخامس على يسار الصاعد ومكونة من غرفتين نوم وصالة وحمام، كما تم العثور على جثمان المتوفية وتدعى نيرة ي. 33 سنة ربة منزل ومقيمة بمحل البلاغ.
وبمناظرة جثمان المتوفية، تبين أنه جثمان السيدة مسجاه على ظهرها ملفوف بملاية بيضاء بإحدى غرف النوم مرتدية ملابسها بالكامل عبارة عن سترة سوداء وبنطال بيجامة برتقالي اللون وملابس داخلية كاملة، ويوجد ملاية أخرى معقودة حول العنق ويوجد كمان أثر خنق بالرقبة، وتبين أن زوجها يدعى رمضان ع.30 سنة عامل، ومقيم محل البلاغ وآخر قرية العوام مركز المنيا.