قصة عنوانها «كبارية».. خالد الصاوي يروي حكاية رفده من المدرسة | فيديو

تحدث الفنان خالد الصاوي عن أصعب ذكرى مر بها في طفولته، مشيرًا إلى أن رفده من المدرسة عندما كان في الصف الرابع الابتدائي بسبب كتابته لقصة كان الأصعب.

وأضاف الصاوي خلال لقائه مع أنس بوخش، في برنامج «ABtalks»: «أصعب ذكرى لما اترفدت في رابعة ابتدائي لأني كنت بكتب قصة في الفصل عنوانها كباريه.. أنا سألت إيه كباريه ده قالوا لي مكان بتحصل فيه حاجات وحشة فأثار فضولي وأنا بحب بنت في الفصل وبحب مدرسة الفرنساوي عشان شايف إن البنت دي لما تكبر هتبقى زيها».

أشار: «المدرسة شافت القصة لقيت كباريه خدتني للمديرة والمديرة رفدتني.. الرفد في الوقت ده كارثه، الموضوع عمل مرارة جوايا لأني حسيت إني بترفد ظلم».

أوضح: «أنا بكتب قصة مفادها أن البنت محبوسة جوا الكباريه الأشرار بيخلوها ترقص بالعافية وأنا هروح بالموتوسيكل أحررها».