بعمل فيديوهات بلبس البيت عشان الدولارات.. اعترافات مثيرة للتيك توكر وحش الكون
أنكرت التيك توكر وحش الكون أمام جهات التحقيق التهم التي وجهت إليها باستغلال ابنتيها القصر عبر مواقع التواصل الاجتماعي، مبررة أن الغرض من وراء تلك الفيديوهات التربح المادي.
القبض على التيك توكر وحش الكون
وأمام جهات التحقيق، أنكرت المتهمة هبة.م، ارتكابها جريمة الاتجار بالبشر واستغلال ابنتيها فاطمة،أ؛ وبسملة.أ، جنسيا بأن عرضتهما على وسائل التواصل الاجتماعي لراغبي المتعة، قاصدة بذلك تحقيق ربح مادي حال كونها مسئولة عن تربيتهما وملاحظتهما، وكونها أحد أصول المجني عليهما.
وأنكرت المتهمة كذلك إنشاء وإدارة واستخدام موقعا أو حساب خاص على شبكة معلوماتية يهدف إلى ارتكاب وتسهيل ارتكاب جريمة يعاقب عليها القانون، وتعديها على المبادئ والقيم الأسرية في المجتمع المصري وانتهاك حرمة الحياء الخاصة بأن نشرت على شبكة معلوماتية صورًا تنتهك حرمة وخصوصية المجني عليهما.
وأضافت في التحقيقات: اللي حصل أني كنت متزوجة من أحمد.م في 2006 وانجبت فيها طفلتين بسملة 16 سنة وفاطمة 14 سنة والزواج ده أنتهي من حوالي 4 شهور لما خلعته بسبب خلافات مالية أنه في آخر سنتين مكنش بيصرف علينا واللي أعرفه عنه أنه سافر الجزائر، وبسبب الأزمة المالية اللي مريت بيها بناتي عرضوا عليا فكره أنها تكسب فلوس من على النت وساعتها مكنتش أعرف أي حاجة عن الموضوع ده والبنات قالولي فيه تطبيق اسمه التيك توك عن طريق فتح بث مباشر "لايف" وده بيقى عبارة عن اللي يشغل الكاميرا بتاعت التليفون.
وتابعت: وأن يعمل أي محتوي أو يتكلم في أي حوار وفيه متابعين بتدخل على البث المباشر المتفاعل على البث عن طريق أنها بتدوس على بعض الخيارات في الشاشة، بتتبعت بيها هدايا للشخص اللي فاتح البث والهدايا دي لها قيمة وتتحول إلي فلوس والفلوس دي صاحب البث ليه نص قيمتها وشركة التيك توك بتاخد النص الباقي وقررنا أننا نجرب نعمل بث على التيك توك، وأول بث كان على قناة اسمها برنسيسة إسكندرية والقناة دي اتحظرت واتقفلت وكنا حققنا فلوس حلوه من أول قناة وكان عليها 20 ألف متابع، وبدأت حالتنا تتحسن.
واستكملت: في البداية البث كان عبارة عن ظهورنا إحنا الثلاثة ونقول أسامي المتابعين ونشكرهم بس لما القناة اتقفلت وعملنا قناة جديدة وقررنا نشتغل تاني في نفس المجال وفتحنا قناة جديدة اسمها وحش الكون ولما فكرنا في الموضوع ملقناش أي محتوى نعمله أننا تقول أسامي المتابعين والداعمين اللي بيدعمونا بس التفاعل مع الداعمين في حساب "وحش الكون" مكنش كثير وبعد كده بدأنا نقعد أنا وبناتي بمكياج ولبس البيت واللبس كان فاضح شوية بس لقينا التفاعل زاد
وقالت أمام جهات التحقيق: كنا محتاجين نفتح البث كثير عشان نزود التفاعل ونزود المشاهدين على البث عشان يدعمونا بهدايا وإحنا نحولها لفلوس وابتدي التفاعل يزيد وفي آخر كل بث التيك توك بيظهر ليك الهدايا التي وصلت ليك بعد خصم الشركة نص المكسب وبيقدر قيمتها بالدولار وفي الآخر يتحول على حساب بنكي باسمي في بنك إسكندرية بس أنا مش فاكره رقم الحساب ومعظم الدعم كان من الخليج العربي.
