هل حقن التخسيس السبب؟..إلهام شاهين تكشف سبب رشاقتها | فيديو
كشفت الفنان إلهام شاهين سبب نحافتها الشديدة التي ظهرت بها مؤخرًا، مشيرة إلى أنها استخدمت حقن التخسيس لكنها حذرت من استخدامها بشكل دائم.
إلهام شاهين تكشف سبب رشاقتها وتحذر من حقن التخسيس
أضافت إلهام شاهين خلال لقائها مع برنامج «سينماتك»: «حقن بس مبنصحش حد ياخدها، بتجيب نتيجة قوية جدا لكن بتتعب صحيًا، أنا ضعفت صحيًا مش بس ضعفت حجمًا، بتتاخد لفترة صغيرة لكن أنا بقالي كتير باخدها فعلشان كده ضعفت».
وأوضحت: «لازم تتاخد مع دكتور مش حد ياخدها من دماغه، لأن فيه ناس بتسمع مننا حقن تروح تشتريها وتاخدها وده مؤذي، فعايزة أنصح إن لازم تتابعوا مع دكاترة».
وظهرت الفنانة إلهام شاهين بإطلالة مميزة، مساء يوم الخميس الماضي، في حفل افتتاح مهرجان الجونة السينمائي، حيث ارتدت فستانا أنيقا من اللون الأسود، طويلا جدا يصل للقدم، ومفتوحا من الأعل، وتميز بقصة الكب، مع شال خفيف على الأكتاف، مزيجًا من الطابع المودرن والكلاسيكي خاليًا من النقوش والتطريزات، واختارت تسريحة شعر انسيابية، مع مكياج ناعم، وزينت إطلالتها بمجوهرات ماسية تتكون من كوليه وحلق وخاتم.
