في ناس عايزه تولعها.. تعليق ناري من أحمد شوبير على احتفال إمام عاشور أمام بلوزداد
رد الإعلامي أحمد شوبير حارس مرمى الأهلي ومنتخب مصر السابق على الهجوم الشديد على إمام عاشور لاعب وسط الفريق الكروي الأول بالنادي الأهلي عقب مباراة الأهلي وشباب بلوزداد الجزائري في دوري أبطال أفريقيا.
وقال أحمد شوبير: «فيه ناس بتقول إمام عاشور رمى فانلة النادي الأهلي على الأرض، طيب إزاي إمام قلع الفانلة وأشار بيها للجمهور وبعدين حطها على الأرض وحط أيده في ودانه وقال إنه لا يلتفت للمنتقدين مش بيسمعهم».
وأضاف شوبير: «وبعد مراجعة اللي حصل فعلًا الناس في الأهلي قالوا إمام مغلطش في حاجة بس فيه ناس عايزة تولعها عايزة تجيب بنزين وتحطه على الجاز وتحطه على الزيت وتولع في الدنيا كلها».
