الغل والسواد مالي قلوبكم.. هجوم ناري من شهيرة على منتقدي زفاف مي فاروق ومحمد العمروسي | شاهد
دافعت الفنانة شهيرة عن الفنانة مي فاروق وزوجها محمد العمروسي، بعد تعرضهما لتعليقات سلبية عقب حفل زفافهما، الذي أقيم الأربعاء الماضي.
وكتبت شهيرة عبر حسابها الرسمي بموقع «فيس بوك»: «السلام عليكم ورحمه الله وبركاته بألقي السلام عليكم في الأول لأن نفسي يبقي فيه بينا سلام أيوه سلام نفسي بين الناس وبعضها وبين الناس المتنمرين والشتامين للفنانين بالأخص هو أنتم ايه مشكلتكم؟!! تطاول عمال على بطال وبدون سبب؟؟ والتدخل في حياتنا الشخصية بدون وجه حق نفسي من فترة طويله أتكلم في الموضوع إلى أن وجدت الفرصة الذهبية اللي حمستني وأستفزتني وهو فرح الجميله مي فاروق، ايه الجرم اللي عملته عشان عايزه تفرح هي وعريسها، مالكم أنتم تعمل فرح ولا متعملش ولادها فرحانين ولا مش فرحانين مالكم أنتم، أوصياء عليهم!».
وأضافت: «ايه الرخامة دي هو أنتم عايزين تلطشوا فينا عشان نفسيتكم تستريح طيب ماتروحوا لدكتور نفسي يريحكم وهيلاقي حل أكيد لكمية الحقد والغل والسواد اللي مالي قلوبكم طيب أنتوا بتقولوا أحنا مابنخفش من ربنا ماشي خافوا أنتم منه وأتقوا الله في لسانكم هتعملوا أيه يوم الحساب؟!!».
تابعت: «عايزه أهنئ مي والعمروسي بزفافهم وبليلتهم اللي كانت أكتر من رائعة بروحكم الحلوة وحب كل الموجودين لكم يا رب العمر كله بالسعادة والهناء».
