مش بخاف من الموت وهقدم دور راقصة.. تصريحات مثيرة للفنانة بسنت شوقي | فيديو
قالت الفنانة بسنت شوقي، خلال استضافتها في بودكاست «دوبامين» الذي يقدمه الإعلامي حسام المراغي، إنها ستجسد دور راقصة، في أحدث مشاركاتها الفنية من خلال فيلم سيُعرض عقب شهر رمضان، مشيرة إلى أنها اشترطت على الفنان محمد فراج قبل زواجهما بأن تربي قططًا في منزلهما.
أبرز تصريحات بسنت شوقي في بودكاست «دوبامين»
- تجربة برنامج فير فاكتور إكستريم دي كسرت لي مناخيري والموضوع ده فضل مأثر معايا.
- فهمت حاجات في شخصيتي أكتر لأني شخصية بتحب التنافس.
- كنت إِنفة جدًا وفي البرنامج كان في حاجات مع دود وصراصير وفئران كنت ببقى قرفانة.
- التنفسي ده اللي كان بيخليني أعمل حاجة ضد شخصيتي تمامًا وكان في بنات بيعملوها.
- كان لازم أتغلب على الشعور ده وأتغلب على الذكورية لأن كان بيتقالي وبسمع من ورا ضهري إن مش بنت هتكسبنا.
- خاتم الجواز بتاعي بحبه جدًا، ذوقي كان فيه مختلف وبحبه جدًا.
-أنا تنكة جدًا ومش بسهولة باخد على حد ومش بحب اللمس.
- وفي أول زواجي مع محمد فراج كان بيشتغل كتير جدًا وكنت ببقى زهقانة في أوقات كتير جدًا.
- قلت له محتاجين نجيب روح في البيت وهنجيب قطة فقال هنجيب قطتين رغم إنه كان بيخاف من القطط زمان.
- بحب النوم وبحب أعيش بمزاجي والإحساس بالحب والحنية.
-أنا مش محترفة في الرقص لكني جربت بعض أنواع الرقص وهقدم دور راقصة في فيلم بعد شهر رمضان.
- مش بخاف من الموت خالص وبشوفه حاجة حلوة جدًا وراحة مش بس علشان الدنيا صعبة.
- بحس إن الموت فيه السلام النفسي الأبدي وراحة ليا أنا ولكن للقريبين مني بيكون صعب.
