أسامة كمال للإخوان : المصريين لا فرق معاهم جبنة نستو يا معفنين ولا فرق معاهم مليشياتكم في كل حته

وجه الإعلامى أسامة كمال مقدم برنامج مساء DMC ، رسالة شديدة لجماعة الاخوان بمناسبة قرب ثورة ٣٠ يونيو.
وقال كمال عبر برنامجه مساء DMC اليوم الجمعة، موجها رسالته للإخوان واتباعهم" المصريين لا فرق معاهم المناظر البشعة بتاعة تشريح الناس على باب الاتحادية لناس عادية وناس ليها مراكزها في البلد، لا فرق معاهم جبنة نستو يا معفنين ولا فرق معاهم مليشيات في كل حتة، من قمة المقطم لكل حارة في مصر".
وأوضح كمال "ليس من العادي ان 33 مليون ينزلوا لعزل الإخوان، يعني تلت الشعب وأكتر ينزلوا مرة واحدة ويكون عندهم نفس الشعور، مش عادى إن كل مصرى يسيب اللى فى إيده ولقمة عيشه عشان ينزل يقول لأ، خلصت، مفيش تانى، وتقفل معاه على كده. واللي نزلوا لا حد دفع لهم ولا حد وقف يبيع بينهم بطاطا ولا كشري".
وتابع كمال" 28 يونيو، اللي هو المدفعية التمهيدية لـ 30 يونيو اللي هي فرسان المقدمة لـ 3 يوليو اللي هو يوم مش شبه كل الأيام. يوم من عجينة تانية وآداء مصرى شعبى مش زى أى يوم".