اسامة كمال للدولة : هتراقبوا بعد رفع الأسعار لحد فين وأمته

علق الإعلامي اسامة كمال مقدم برنامج مساء DMC ،على قزاز الحكومة برفع اسعار البنزين والسولار، قائلا" الرأي العام المصري اهتم النهاردة بس برفع سعر المواد البترولية، مابين النكت المعتادة والأراء المختلفة , ولكن التريند الأكبر كان التعريفة الجديدة عشان الناس عايزة تفهم التعريفة الجديدة هتأثر عليهم ازاي".
وأضاف كمال في برنامجه مساء DMC اليوم الجمعة ، أن ":الزيادة تقريباً جنيه وربع في اللتر، لكن الجنيه وربع في اللتر دول هيسمعوا أد كدة عشان كل واحد هينتهزها فرصة ويرفع مواصلته ويرفع سلعته أضعاف، والدولة بتقول هتراقب، والدولة هتراقب، لكن لمدة أد إيه وفين وللا فين؟".

ووجه كمال تساؤلا على الهواء "هنعمل آيه فى تقسيم الطريق اللى كان خط واحد لتلت وأربع حتت؟ معندناش آلية، معندناش آلية لأى تلاعب يحصل فى أى حاجة، مضيفا أن السيارة الأجرة بتخرج من موقف الجيزة هرم أو فيصل، وفجأة يقول لك أنا آخري العشرين أو آخرى الطالبية ثم يقف ويركب ناس جداد للطوابق فيصل أو هرم بأجرة جديدة ثم ينزل الناس ويركب ناس تانيين بأجرة جديدة للمريوطية ثم ينزل الناس ويركب ناس جديدة لمشعل أو آخر فيصل".
وتابع" مصر مش بتعانى الغلاء قد ما بتعانى الانتهازية وناس بتتفنن وتفتح لها ألف باب. هل من العدالة أن الجيل الحالى يتحمل قسوة الإصلاح الاقتصادى ثم يتحمل كل الانتهازيين فى كل الأسواق اللى محدش قادر يلمهم لا بالقانون ولا بغير القانون".