تعليق قوي من أسامة كمال لإصلاح الكرة المصرية

قال الإعلامي أسامة كمال، إنه تحدث على مدار الايام الأخيرة مع المصريين ، من بينهم خبراء في إدارة لعبة كرة القدم سواء داخل البلاد، أو بالخارج، بعد فضيحة مجلس إدارة إتحاد الكرة الاخيرة .
وأضاف كمال، في برنامجه "مساء dmc"، اليوم الثلاثاء، أن الذي أستنتجه من خلال حواراته مع الخبراء هو التالي ":أولاً الجمعية العمومية، اللي مش لاقي معلومة عن عددها حتى على موقع اتحاد الكورة، لكن على الأقل 210 عضو حضروا انتخابات 2018، 210 عضو؟ مين هي الاندية الـ 210 وأكتر؟ هل دول اللي برضه هيختاروا المجلس القادم؟".
وتابع كمال" لو عايزين مجلس قوي المفروض الموضوع يتقفل على أندية الدوري الممتاز الف وبه اللي مش هيزيدوا عن 40 لو عايزين اتحاد قوي مافيش شبهات على انتخاب المجلس بالتربيطات اياها ومش عايز اقول كلام مايصحش يتقال، ماحدش يقول أن الفيفا اجراء تنظيمي من حق البلد تعمله".
وأردف":أعتقد إن تشفير الدوري المصري مقابل مبالغ صغيرة مابقاش رفاهية.. مسألة إن عائد الكورة يبقى الأرقام المخجلة دي، مافيش صناعة بتقوم على أرقام زي دي، والمية جنيه في السنة للمشترك بتساوي على الأقل 2 مليار، مطالبا بالتعرف على أراء وتجارب الانجليز والأسبان والطليان والألمان والموضوع مابقاش سر حربي".