أسامة كمال تعليقا على حادث حرائق كنائس حي حدائق القبة : حادث مؤسف

علق الإعلامي اسامة كمال مقدم برنامج مساء DMC اليوم الأربعاء على حادث حريق كنائس بمنطقة حدائق القبة، "حادث مؤسف".
وقال كمال، في برنامجه مساء dmc، المذاع عبر شاشة قناة dmc، مساء اليوم الأربعاء، إن :" الأسبوع اللي فات قولنا مع ضيوفنا كلام كتير عن الحماية المدنية وأزاى أحنا فى فترة حر شديد وتكييفات دايرة وأزاى بتحصل حرايق فى الأسواق وأماكن تانية وأزاى كل مكان لازم يراجع منظومة الأطفاء ولو معندوش يركب".

واضاف كمال: "الفجر قبل ما ننام كان قدامنا حادث مؤسف استمر ساعات لحد ما النار كلت كل حاجة، لكن الحمد لله مفيش خساير بشرية يمكن لأنه بدأ قرب نص الليل والناس كانت لسه صاحية فخرجوا من المكان، لكن المكان نفسه انتهى"، متابعا :"الخلاصة كنا بنكلم نفسنا لما عملنا حلقة طويلة عريضة نقول للناس أرجوكم راجعوا نظام الأمان والإطفاء فى الأماكن العامة والخاصة، لكن الحمد لله بنقولها كل مرة طالما مفيش خساير بشرية، وجهات التحقيق شغالة لكشف أسباب الحريق إللي ما امتدش رغم ضخامته للبيوت اللي لازقة فى بعض.