أسامة كمال: مصر الآن تدرك مصالحها جيدًا وتحملت تبعات قراراتها

أكد الإعلامى أسامة كمال، على أهمية استقلال القرار الوطنى، قائلاً : "النهارده 26 يوليو، ومن 63 سنة زي النهاردة جمال عبد الناصر أعلن استقلال مصر واستقلال قرارها الوطنى".
وواصل أسامة كمال، خلال برنامجه "مساء dmc"، المذاع على شاشة "dmc": "النهاردة مش هنقف نحلل القرار ونقول صح وغلط، لكن هنقف عند فكرة استقلال القرار الوطنى بخصوص ممتلكات مصرية، اللي هي قناة السويس، والقرار للى مش فاكر، هو تأميم قناة السويس.. جمال عبد الناصر رغم توقعه لرد فعل أوروبى غاشم كان عنده شجاعة إنه يقف ويقول لأ ، القناة دى ملك الشعب ده، وأعلن قراره".
وتابع: "مصر 2014 شافت مصلحتها فين وعملتها واتحملت نتايج قراراتها. مصر 2015 قالت هنعمل عاصمة إدارية، فلما الشركة اللى كانت هتثتثمر قالت كاني وماني، والرئيس السيسى على الهوا قال لرئيس الشركة ما ينفعش ودخلت الشركات المصرية ورا الهيئة الهندسية والنهارده العاصمة الإدارية واقفة على رجليها... كان دراعنا ملوى عشان بناخد سلاح من بلد واحد، فلما شفنا مصلحتنا الوطنية إننا ناخد سلاحنا من اللى هيوفر سلاح أفضل لمصر، خدناه،".
وأضاف كمال قائلا:"لما كان لازم نشوف موارد جديدة وشفنا مصلحتنا ندور على الغاز اللى فى شرق المتوسط، بسرعة البرق طلعنا الغاز رغم أن دول كبيرة كانت واقفة ورافضة نطلع الغاز وزى ما شفنا إمبارح مصر بتقود تحالف دول شرق المتوسط، وما بقيناش نستورد غاز ووفرنا 3 مليار دولار فى السنة"..شفنا تحالفات، ما دخلنهاش رغم الضغط علينا لأننا ما شفناش مصلحتنا فى دخولها.. شفنا إرهاب جاى علينا موجة ورا موجة وفلان قالك طب أعمل كذا ويقف الإرهاب ومنظمات هنا وهناك تقول، طب مصلحتنا الوطنية كانت فين؟ مصلحتنا كانت فى المواجهة، وإننا ناخد زمام المبادرة ونلم الدول حوالين