أسامة كمال: المستقبل طالل علينا بالأمل.. والإنجازات دايرة فى البلد

اشاد الإعلامى أسامة كمال، بحجم المشروعات الجارى تنفيذها على مستوى الجمهورية، قائلا :"بالنسبة لجيلي والأكبر شويه والأصغر حبتين، عشنا فى زمن كنا نفضل نقول على الكوبرى إنه الكوبرى الجديد سنين، فلما بقينا كل يوم بنعمل كوبرى وطريق ومشروع كلمة جديد ما بقيناش نلحق نكررها، والإنجازات دايرة من هنا لهنا، وهنا فيه شغل وهناك كمان فى شغل".
وقال أسامة كمال، خلال برنامجه "مساءdmc" المذاع على شاشة "dmc"، :"بقت المشكلة أن الشوارع المكسرة لما النهارده بنمشى فى نفس الشارع وهم بيشيلوا طبقة الاسفلت عشان يجددوا الطريق فنشتكى. ليه؟ عشان الطريق واخد وقت في التصليح".
وواصل:"‏‎بنشتكى من الدوا مش من المرض، من طوابير العلاج، اللى طالت بعد ما لقينا العلاج، ورغم أنك لما كنا نتسئل كنا نقول الحمد لله، رضا، قيس على كده الإسكان والمدارس وحاجات كتير محتاجة شويه صبر، لأن بكره باين قدام عينينا مش سر، وبكرة بقى قريب مش بعيد وهالل وطالل علينا بالأمل"