علاء زينهم: يحيى الفخرانى صاحب فضل عليه وطلبنى بالاسم فى "أوبرا عايدة" (فيديو)

قال الفنان علاء زينهم، إن أصوله صعيدية، وذلك ما سعده على اتقان التحدث باللهجة الصعيدية، موضحا: "الصعايدة كانوا فرحانين لأنى بقول سمس زيهم، وبيقولوا جبتها منين".
وأضاف "زينهم" خلال لقاءه مع الإعلامية قصواء الخلالى، فى برنامج "المساء مع قصواء" عبر قناة "TeN"، :الصعيد اتطور واتمدن أوى وكل المدن بقت عرائس النيل من المنيا بس واللهجة اتغيرت واحنا لسه بنقدم اللهجة بتاعت زمان".
وأكد الفنان علاء زينهم أن الفنان الكبير يحيى الفخرانى كان صاحب فضل عليه، قائلا: "أول ما اشتغلت مع يحيى الفخرانى كنت فى زيزنيا، وطالع فى 4 مشاهد، وطلب إعادة للمشهد وقال: الجدع ده يتقعد له، ثم سأله: أنت مش بتشتغل ليه" حتى طلبه بالاسم فى مسلسل أوبرا عايدة، وأكد: "أوبرا عايدة كانت فتحت خير بالنسبالى، والناس اتعاطفت معايا، وكان أفضل حالة فنية مشوفتش زيها كتير، والممثلين فيه وكأنهم اتولدوا عشان الأدوار دى".
وكشف "زينهم" عن موقف تعرض له بسبب مسلسل أوبرا عايدة: "كنت فى المواصلات، وست ضربتنى فى ضهرى وزعقتلى قالتلى الطبيخ اتحرق بسبب امبارح"، وكان ذلك بعد الحلقة التى توفى فيها.