دكتور ألفونس على إنيرجي: أنا واخد دكتوراه فالعسل

شهد برنامج "بجدXالراديو" مع مروان يونس على راديو "إنيرجي" تردد ٩٢.١ حلقة ساخرة مع الدُمية المعروفة باسم دكتور ألفونس، خاصة بعد أن نشر أغنيته "أنا مش بتجرح" وهو واحد من الفيديوهات المصورة بشكل احترافي التي اعتاد أن يظهر من خلالها ألفونس.
اتسمت الحلقة بالطابع الفكاهي وتلقى دكتور الفونس العديد من أسئلة مستعمي إذاعة "إنيرجي"، وكان السؤال الأبرز "دكتور ألفونس واخد دكتوراه في إيه"، ليجيب "في العسل علشان أنا عسل".
وعند سؤاله عن الفنانة التي يرغب في إجراء دويتو معها قال: "نفسي اعمل دويتو مع مونيكا بيلوتشي حتى لو مش بتغني، أنا هخليها تغني او أعمل مع شيرين رضا حاسس اننا هنفهم بعض" إلا أن دكتور ألفونس أكد لمروان يونس إنه "مش بيفكر يمثل دلوقتي".
واشتهرت شخصية ألفونس بكلمة الـ"نونة"، وهو الأمر الذي فسره بأنها ترجمة لكلمة "بيبي". وواجه مروان يونس صعوبة في تصنيف دكتور ألفونس فسأله خلال الحلقة: "أنت فنان ولا بلوجر ولا شخصية عامة"، فأجاب ألفونس "أنا بسيط على الكلام ده يا مروان أنا جاي انبسط، وبعدين أنا راجل عجوز".
وكشف ألفونس عن الشخصيات وراء فيديوهاته وقال: "عندي ياسر ووائل أولادي، ياسر ماسكلي السوشال ميديا ووائل بيعمللي الفيديوهات والكليبات". وأضاف: "وائل هو اللي عرفني على تميم يونس وعملت معاه أغنية (انت أي كلام).
وتابع: "الناس واخدة عني فكرة إني مجنون وبتاع ديسكوهات، بس أنا راجل بسيط وعجوز بستعمل صابونة جايبها من ماليزيا للصلعة بتاعتي وعندي الروتين الخاص بتاعي، وحتى أنا متوتر جدا لوجودي على راديو إنيرجي".