دخل بيتي ومحدش كان هيصدقني..ابنة عفاف راضي تكشف تفاصيل مثيرة عن تعرضها للتحرش | شاهد

للمرة الأولى كشفت المطربة الشابة مي كمال، ابنة الفنانة عفاف راضي، عن تعرضها للتحرش من خلال منشور شاركت به متابعيها عبر حسابها الشخصي على موقع التواصل الاجتماعي «فيس بوك».

وأرفقت المطربة مي كمال «سكرين شوت» عن المحادثات بينها وبين المتحرش قائلة: «أكتر حاجة مستفزاني إني لو كنت طلعت ووريت الـscreenshots دي للناس من 3 سنين يمكن مكانش الشاب ده كمل تحرش في البنات كده».

ابنة عفاف راضي: مطلعتش «الاسكرين شوت» قبل كده عشان محدش يرمي عليا اللوم

وتابعت: «بس حسيت إني أولا مش عايزة أي حد مخه مريض يرمي عليا أنا اللوم إن أنا بتاعة مشاكل، وبرضو للأسف من كم الاعتذارات اللي قعد يعتذرهالي، ساعتها أنا صدقت أن دي أول مرة يتكلم كده واستحرمت أسوّأ سمعته من موقف واحد ومحططلوش في مخي ساعتها عنوان المتحرش».

واستكملت أيضًا في منشورها: «البني آدم ده تعريف المتحرش المستهتر الساذج، لأن ده واحد دخل بيتي وقابل جوزي، وعارف هو ممكن يشوف مننا عواقب شكلها إيه، ومع ذلك قرر يقول لي الكلام ده وفي chat.. لكن في غيره مش أغبية كده وبيتحرشوا face to face وينكروا وده المخيف اكتر».

واختتمت مي كمال في منشورها: «فيا ريت أي واحد يفكر ياخد السكة دي مع أي واحدة في الـmusic scene أو غيره يكون متأكد إن مفيش مساحه للسكوت عن القرف ده، وأن بسهوله جدًا حياته الشخصية والمهنية وكل علاقاته في المجال، وبره المجال هتنتهي».